МІНСК, 11 кас - Sputnik. Работы 152 маладых беларускіх аўтараў змогуць убачыць наведвальнікі пятага юбілейнага "Восеньскага салона з Белгазпрамбанкам", паведамілі арганізатары мерапрыемства. Выстава пройдзе з 18 кастрычніка па 3 лістапада.
У гэтым годзе жадаючыя паўдзельнічаць у мерапрыемстве падалі 430 заявак. У адной заяўцы аўтар мог прадставіць да пяці работ, таму членам журы давялося прагледзець некалькі тысяч мастацкіх твораў.
Для параўнання, у 2015 годзе колькасць заявак склала 288, у 2016 – 311, у 2017 – 320, а ў 2018 – 456.
У праекце традыцыйна ўдзельнічаюць працы маладых беларускіх мастакоў у розных тэхніках і відах выяўленчага мастацтва – жывапіс, графіка, фатаграфія, скульптура, дэкаратыўна-прыкладное мастацтва і інсталяцыя. Ацэньваць работы будуць запрошаныя мастацтвазнаўцы, куратары і дырэктары з Чэхіі, Літвы, Расіі і Украіны.
