МІНСК, 13 кас - Sputnik. У нядзелю 13 кастрычніка тэмпература паветра ў некаторых рэгіёнах Беларусі дасягне +21 градусаў, паведамляе Белгідрамет.
У Мінску, Магілёве і Віцебску, як прагназуюць сіноптыкі, магчымы невялікі дождж, але будзе цёпла. Так, у Віцебску чакаецца да +14..+16°C, у Гродне паветра прагрэецца да +16..+18°C, у Магілёве і Мінску слупкі тэрмометраў падымуцца да +15..+17°C. А па поўдні краіны ў Гомелі і Брэсце чакаецца больш за 20 градусаў цяпла.
Па прагнозах сіноптыкаў, вецер будзе заходнім - 6-11 метраў за секунду, парывы могуць дасягаць 14 метраў за секунду. Ноччу ў нядзелю чакаецца ўзмацненне ветру ў некаторых рэгіёнах да 15-18 м/с.
