МІНСК, 14 кас - Sputnik. Пагадненне паміж Беларуссю і Еўрасаюзам аб спрашчэнні візавага рэжыму прымуць пасля ўзгаднення неабходных працэдур.
Кіраўнік прадстаўніцтва ЕС у Беларусі Дырк Шубель запэўніў, што гэты працэс надоўга не зацягнецца. такую заяву ён зрабіў, каментуючы сітуацыю аб прыняцці пагаднення ў эфіры тэлеканала АНТ.
"Думаю, у бліжэйшы час з'явяцца добрыя навіны", - сказаў Дырк Шубель. Пры гэтым ён адзначыў, што не можа назваць дакладную дату падпісання пагаднення, паколькі ўзгадненне і прыняцце дакумента - "дастаткова працяглы і цяжкі працэс", улічваючы той факт, што ў складзе ЕС сёння налічваецца 28 дзяржаў.
"Калі мы правядзем усе працэдуры, то з задавальненнем падпішам пагадненне аб зніжэнні кошту аднакратных і шматразовых шэнгенскіх віз да 35 еўра", - паабяцаў Дырк Шубель.
Раней стала вядома, што былы мэр Рыгі дэпутат Еўрапарламента Ніл Ушакоў прызначаны дакладчыкам па пытанні аб палягчэнні візавага рэжыму для Беларусі. Дакладная дата, калі Еўрапарламент разгледзіць пытанне аб спрашчэнні візавага рэжыму для Беларусі, пакуль не вызначана, але хутчэй за ўсё, гэта будзе ў лістападзе 2019 года.
