МІНСК, 16 кас - Sputnik. Археолагі выявілі ў егіпецкім Луксоры, на заходнім беразе ракі Ніл, пахаванне з двума дзясяткамі рознакаляровых саркафагаў, паведаміла Міністэрства па справах помнікаў старажытнасці Егіпта.
"Знойдзена вялікае пахаванне з рознакаляровымі саркафагамі. Гэта найбуйнейшая знаходка за апошнія некалькі гадоў", - сказалі ў ведамстве.
The Al-Asasif Cachette. Intact and sealed coffins. More details to be announced on Saturday..Keep tuned #luxor #egypt #egyptology #historyofegypt #aasif #cachette #discovery #Archaeology pic.twitter.com/4CRcpfgrvf
— Ministry of Antiquities-Arab Republic of Egypt (@AntiquitiesOf) 15 октября 2019 г.
Па дадзеных міністэрства, саркафагі навукоўцы яшчэ не адкрывалі. "Яны былі выяўленыя ў тым становішчы, у якім іх пакінулі старажытныя егіпцяне", - адзначылі навукоўцы.
Вядома, што выяўленае пахаванне - двухузроўневае, іншых падрабязнасцяў пакуль няма. Археолагі плануюць апублікаваць дэталі новага адкрыцця ў бліжэйшую суботу.
