МІНСК, 15 кас - Sputnik. Шасцісерыйны міні-серыял здымуць аб пажары ў Саборы Парыжскай Божай Маці, паведаміў рэсурс Variety.
Праектам будуць займацца студыі Pathe і Vendôme. У аснову серыяла пакладуць расследаванне журналістаў выдання New York Times, якія прымуць удзел у стварэнні сцэнара.
У серыяле пакажуць падзеі 15 красавіка бягучага года - з моманту выяўлення ачага ўзгарання на даху сабора.
Па словах прадзюсара Піліпа Руселе, на стварэнне карціны натхніў прыклад серыяла кампаніі НВО "Чарнобыль", у якім была прадстаўлена гісторыя з розных пунктаў гледжання.
Прадстаўнік Vendôme запэўніў, што фільм плануецца зрабіць максімальна набліжаным да красавіцкіх падзей. Прадзюсар паабяцаў, што стваральнікі фільма будуць сачыць за навінамі, каб аператыўна карэктаваць сцэнар.
