Пятая штогадовая выстава маладых беларускіх мастакоў напярэдадні адкрылася ў Мінску. У гэтым годзе ў праграме юбілейнага "Восеньскага салона" – розныя тэхнікі і віды выяўленчага мастацтва: жывапіс, графіка, фатаграфія, скульптура, дэкаратыўна-прыкладное мастацтва і інсталяцыі. Свае работы прадставілі 152 мастака, абраныя з 430 заявак.
Як прайшоў "Восеньскі салон" у мінулым годзе>>>
У выставе-продажы штогод удзельнічаюць усе жадаючыя. Адзінае абмежаванне – узрост ад 18 да 40 гадоў. Што тычыцца мастацкіх твораў, яны павінны быць створаны ў апошнія тры гады. Кожны мастак мог прадставіць да пяці работ.
За пяць год існавання "Восеньскі салон з Белгазпрамбанкам" стаў яркай кропкай у беларускім мастацтве. Выстава традыцыйна прыцягвае ўвагу грамадскасці эпатажнымі, яркімі і праблемнымі работамі. Гэты год не стаў выключэннем.
Убачыць, як выглядае сучаснае беларускае мастацтва, можна да 3 лістапада ў Палацы мастацтваў.
