Адно з пытанняў датычылася фразы "рэдакцыя патрабуе крыві", якая ўжо стала мемам. Як патлумачыла Сіманьян у эфіры перадачы Ксеніі Сабчак, у рэдакцыі RT правакацыі заходніх журналістаў ужо даўно не выклікаюць нічога, акрамя смеху.
"Чорт з ім, што ў пратэстах "жоўтых камізэлек" ніякага рускага следу няма і ў памоўцы. Рэдакцыя (рэдакцыя Бі-Бі-Сі - Sputnik) патрабуе яго знайсці! Мы тут вельмі пасмяяліся. А калі мы смяемся, мы робім такія маечкі. У нас жа пасля Башырава з Пятровым была, напэўна, самая папулярная наша маечка "Вы працуеце ў ГРУ?" - распавяла Сіманьян.
Патлумачыла галоўны рэдактар RT і пазіцыю наконт прапагандысцкіх і апазіцыйных СМІ. Паводле яе слоў, у сучаснага журналіста заўсёды ёсць выбар, які бок заняць. І калі ён не хоча, да прыкладу, адмаўляцца ад добрага заробку, яму прыйдзецца глыбей схаваць свае асабістыя погляды на тую ці іншую праблему, калі гэта не супадае з пазіцыяй рэдакцыі.
"Калі ваша рэдакцыя патрабуе крыві, а вы хочаце малачка (ці наадварот), то ідзіце ў іншую рэдакцыю. Выберыце сабе іншую рэдакцыю, да спадобы, калі вы чалавек суровых перакананняў тых ці іншых. Ну, зразумела ж, што ў супрацоўнікаў "Эхо Москвы" адны ўяўленні аб тым, як павінна быць", - не сумняваецца Сіманьян.
Таксама ў праграме "Асцярожна, Сабчак!" галоўны рэдактар RT і МІА "Россия сегодня" Маргарыта Сіманьян распавяла пра тое, на што пакрыўдзіліся Башыраў і Пятроў, як яна дапамагала Галунову, сварылася з Кашыным і чаму дагэтуль застаецца лібералам.
