МІНСК, 31 кас - Sputnik. Запазычанасць беларусаў перад банкамі дасягнула новай рэкорднай адзнакі, пра гэта кажа статыстыка Нацыянальнага банка, згодна з якой па стане на 1 кастрычніка аб'ём крэдытаў беларускіх грамадзян склаў 13 мільярдаў 343,4 мільёнаў рублёў.
У падлікі фінрэгулятара ўвайшлі абсалютна ўсе абавязацельствы грамадзян перад банкамі, а гэта не толькі спажывецкія крэдыты і пазыкі на нерухомасць, але і аўтакрэдыты з картамі растэрміновак.
Гэты паказчык расце ўражальнымі тэмпамі. Напрыклад, толькі на пачатку гэтага года агульная запазычанасць складала "ўсяго" 1 мільярд 747 мільён рублёў.
Варта адзначыць, што большую частку сумы запазычанасці складаюць крэдыты на нерухомасць - 8 мільярдаў 85,7 мільёнаў рублёў. На спажывецкія патрэбы людзі ўзялі ў банкаў 5 мільярдаў 257,7 мільёнаў рублёў.
Запазычанасць беларусаў па стане на верасень складала 13 мільярдаў 72 мільёны рублёў. Калі тэмпы крэдытавання будуць прымаць пагрозлівыя маштабы, Нацбанк можа зрабіць больш жорсткімі правілы выдачы спажывецкіх крэдытаў.
Раней МАРГ заяўляў, што прыкладна 15-16% тавараў у рознічнай сетцы беларусы купляюць у крэдыт.
