МВФ назваў беларускую эканоміку найбольш даларызаванай

CC0 / Pixabay/pasja1000 / Долары
Долары - Sputnik Беларусь
Больш за 90% дзяржаўнага доўгу Беларусі намінавана ў замежнай валюце, што з'яўляецца пагрозай для эканомікі краіны.

МІНСК, 1 ліс - Sputnik. Даларызацыя беларускай эканомікі вышэй, чым дзесяць гадоў таму, заявіў кіраўнік місіі Міжнароднага валютнага фонду (МВФ) па ацэнцы эканамічнай сітуацыі ў Беларусі Жак Міньян, перадае карэспандэнт Sputnik.

Офіс МВФ у Мінску - Sputnik Беларусь
Беларусь пакуль не абмяркоўвае новую праграму з МВФ

На гэтым тыдні ў Мінску пачала працу місія МВФ, у рамках якой пройдуць абмеркаванні з уладамі і экспертамі эканамічнай сітуацыі ў рэспубліцы.

Па словах Міньяна, няма больш важнага пытання для беларускай эканомікі, чым дэдаларызацыя.

"У Беларусі адна з найбольш даларызаваных эканомік ва Усходняй Еўропе", - канстатаваў прадстаўнік МВФ.

Пры гэтым ён звярнуў увагу, што найбольш высокія паказчыкі па гэтым пытанні дэманструюць крэдыты і дэпазіты.

"Нягледзячы на тое, што ўзровень даларызацыі ў апошнія гады зніжаецца, яна ўсё яшчэ вышэй, чым дзесяць гадоў таму", - лічыць Міньян.

На яго думку, гэта з'яўляецца праблемай, таму што гэта падвяргае пагрозе эканоміку і ліквіднасць з-за дэпазітаў у замежнай валюце.

Прадстаўнік МВФ адзначыў, што адзінай абаронай з'яўляюцца ліквіднасць банкаў і назапашаныя рэзервы Нацыянальнага банка.

"У Беларусі яны значна вышэй, чым некалькі гадоў таму, але ўсё роўна гэты паказчык не на тым узроўні, які мы хацелі б бачыць", - падкрэсліў Міньян.

Пры гэтым ён звярнуў увагу, што пагрозу эканоміцы могуць прадстаўляць пазычальнікі ў замежнай валюце, таму што яны не заўсёды могуць хэджыраваць свае даходы, а ў выпадку сусветнага крызісу нацыянальная валюта можа абясцэніцца.

"Высокая даларызацыя памяншае эфектыўнасць манетарнай палітыкі. У Беларусі 90% знешняга доўгу (намінавана - Sputnik) у замежнай валюце", - нагадаў кіраўнік місіі МВФ.

Нацыянальны банк Беларусі - Sputnik Беларусь
Інфляцыя ў Беларусі на канец года будзе прыблізна 5%

Пасля чаго дадаў, што дынаміка доўгу Беларусі дэманструе рост, што звязана "з рознымі шокамі абменнага курсу".

Міньян лічыць, што галоўным фактарам для правядзення дэдаларызацыі з'яўляецца правядзенне добрай макраэканомікі і прудэнцыйнай палітыкі.

"Трэба каб тыя, хто бярэ пазыкі і дае ў замежнай валюце ўсведамлялі, якія наступствы гэта нясе", - заклікаў ён.

На яго думку, добрая навіна складаецца ў тым, што Нацбанк рыхтуе стратэгію дэдаларызацыі.

"Больш няма чаго сказаць пакуль мы не ўбачым гэтую стратэгію", - сказаў прадстаўнік МВФ.

Пасля чаго прызнаў, што апошнія 4-5 гадоў эканамічная палітыка ў Беларусі палепшылася. Рэцэсія 2015-2016 года стала трывожным званочкам.

Зараз з манетарнага пункту гледжання палітыка палепшылася.

"Гістарычны мінімум інфляцыі, стабільны абменны курс - гэта ўсё сведчыць пра тое, што (палітыка - Sputnik) паспяховая", - сказаў Жак Міньян.

Стужка навiн
0
Спачатку новыяСпачатку старыя
loader
У эфіры
Заголовок открываемого материала
Міжнародны
InternationalEnglishАнглійскіMundoEspañolІспанскі
Еўропа
DeutschlandDeutschНямецкіFranceFrançaisФранцузскіΕλλάδαΕλληνικάГрэчаскіItaliaItalianoІтальянскіČeská republikaČeštinaЧэшскіPolskaPolskiПольскіСрбиjаСрпскиСербскіLatvijaLatviešuЛатышскіLietuvaLietuviųЛітоўскіMoldovaMoldoveneascăМалдаўскіБеларусьБеларускiБеларускі
Закаўказзе
ԱրմենիաՀայերենАрмянскіАҧсныАҧсышәалаАбхазскіХуссар ИрыстонИронауАсецінскіსაქართველოქართულიГрузінскіAzərbaycanАzərbaycancaАзербайджанскі
Бліжні Усход
Sputnik عربيArabicАрабскіTürkiyeTürkçeТурэцкіSputnik ایرانPersianФарсіSputnik افغانستانDariДары
Цэнтральная Азія
ҚазақстанҚазақ тіліКазахскіКыргызстанКыргызчаКіргізскіOʻzbekistonЎзбекчаУзбекскіТоҷикистонТоҷикӣТаджыкскі
Усходняя і Паўднёва-Усходняя Азія
Việt NamTiếng ViệtВ'етнамскі日本日本語Японскі俄罗斯卫星通讯社中文(简体)Кітайскі俄罗斯卫星通讯社中文(繁体)Кітайскі
Паўднёвая Амерыка
BrasilPortuguêsПартугальскі