МІНСК, 10 ліс - Sputnik. Сіноптыкі вынеслі папярэджанне аб жоўтым узроўні небяспекі на бліжэйшую ноч у сувязі моцнымі ападкамі, якія чакаюцца ў шэрагу рэгіёнаў рэспублікі.
У цяперашні час у краіне ўстанавілася воблачнае, з ападкамі і туманамі надвор'е, якое ў краіну прынеслі вятры паўднёвага напрамку.
Максімальная тэмпература днём усталюецца на ўзроўні ад 8 да 16 градусаў цяпла ў залежнасці рэгіёну. На сёння, 10 лістапада, вынесена штармавое папярэджанне, звязанае з туманамі і абмежаванай бачнасцю на трасах краіны. На гэтым тыдні, у мінулую пятніцу некалькі рэйсаў у Нацыянальным аэрапорце Мінск былі затрыманыя з-за густога туману, таксама некалькі самалётаў прыбылі ў аэрапорт са спазненнем.
"Уначы 11 лістапада ў панядзелак месцамі па краіне чакаюцца моцныя дажджы. Колькасць і інтэнсіўнасць ападкаў будзе адпавядаць жоўтаму ўзроўні небяспекі", - паведамілі Sputnik у Гідрамеце ў нядзелю.
Па прагнозах сіноптыкаў, у панядзелак днём ападкі па ўсёй тэрыторыі рэспублікі захаваюцца, тэмпература паветра ў дзённыя гадзіны чакаецца ў межах 7-10 градусаў цяпла.
Прагназуецца, што ў аўторак ападкаў стане менш, тэмпература падвысіцца, а сераду ў шэрагу рэгіёнаў чакаецца днём да 15 градусаў цяпла.
