МІНСК, 11 ліс - Sputnik. Пачатак тыдня ў Беларусі будзе пахмурным, але даволі цёплым. Пра гэта сведчаць дадзеныя рэспубліканскага гідраметцэнтра.
Па дадзеных сіноптыкаў, у панядзелак, 11 лістапада, у рэспубліцы будзе воблачна, аднак істотных ападкаў не прагназуецца.
"На большай частцы тэрыторыі - кароткачасовыя дажджы, вецер заходні, паўночна-заходні ўмераны, месцамі парывісты", - папярэдзілі сіноптыкі, напярэдадні спецыялісты абвясцілі на першы працоўны дзень жоўты ўзровень небяспекі.
Днём будзе +5..+11°C (па паўднёвым усходзе да +14°C), а ў Мінску верагоднасць ападкаў складае 70-80%, паветра пасля абеду прагрэецца да +8..+10°C, пад вечар астыне да +5..+7°C.
У аўторак, 12 лістапада, кароткачасовыя дажджы пройдуць у начныя гадзіны пераважна на паўночным усходзе, а днём - у асобных раёнах Беларусі. Ранняй раніцай згусціцца туман. Ноччу будзе +1..+7°C, а ў другой палове дня пацяплее ў сярэднім да +4..+12°C.
Паводле дадзеных сэрвісу доўгатэрміновых прагнозаў, у Мінсу на тыдні з'явіцца сонца, а ападкі будуць неістотнымі. Пахаладання варта чакаць толькі бліжэй да канца наступнага тыдня, тады ж у асобных раёнах Беларусі можа выпасці мокры снег.
Сапраўдная зіма, мяркуючы па доўгатэрміновых прагнозах (якія, дарэчы, нярэдка памыляюцца) чакаецца ў Беларусі толькі бліжэй да другой дэкады снежня: па інфармацыі на сёння, у Мінску 1 снежня будзе +9°C; толькі да сярэдзіны месяца тэмпература наблізіцца да нуля.
