МІНСК, 13 ліс - Sputnik. У першы дзень датэрміновага галасавання на выбарчыя ўчасткі ў цэлым па краіне прыйшлі больш за 4,5% выбаршчыкаў, паведамілі ў Цэнтрвыбаркаме.
Усяго на гэтых парламенцкіх выбарах правам выбарчага голасу надзелены 6 886 269 грамадзян Беларусі.
Па дадзеных ЦВК, больш актыўна ў першы дзень датэрміновага галасавання выбаршчыкі ішлі на ўчасткі ў Віцебскай вобласці (там прагаласавалі 5,52% ад агульнай колькасці грамадзян, унесеных у спісы). Усяго ў Віцебскай вобласці 855 800 выбаршчыкаў.
На другім месцы па актыўнасці - Мінск, дзе на ўчасткі з'явіліся 5,14% зарэгістраваных выбаршчыкаў. На гэтых выбарах да выбарчых участкаў у беларускай сталіцы прыпісана 1 274 779 выбаршчыкаў.
На трэцім месцы па выніках першага дня датэрміновага галасавання - Мінская вобласць, там прагаласавалі крыху менш за 5% выбаршчыкаў, паведамілі ў ЦВК.
Самы пасіўны рэгіён - Гродзенская вобласць, дзе выбарчыя бюлетэні напярэдадні атрымалі менш за 4% грамадзян, надзеленых правам галасаваць на выбарах.
Як адзначаюць эксперты, у гэтым годзе яўка ў першы дзень датэрміновага галасавання некалькі вышэй, чым гэта было на парламенцкіх выбарах у 2016 годзе, акрамя гэтага, вызначыўся і Мінск, дзе традыцыйна яўка выбаршчыкаў ніжэй.
Датэрмінова можна будзе галасаваць да 16 лістапада ўключна. Асноўны дзень выбараў дэпутатаў Палаты прадстаўнікоў Нацыянальнага сходу сёмага склікання - 17 лістапада.
