https://bel.sputnik.by/20191116/Kutstsya--zayats-u-smyatane-gatuem-pamnalny-stol-pa-retseptakh-prodka-1043242897.html

Куцця і заяц у смятане: гатуем памінальны стол па рэцэптах продкаў

Куцця і заяц у смятане: гатуем памінальны стол па рэцэптах продкаў

Sputnik Беларусь

Этнограф Ларыса Мятлеўская распавядае, якія стравы гатавалі на Беларусі падчас памінальных дзён. У тэксце - шмат рэцэптаў! 16.11.2019, Sputnik Беларусь

2019-11-16T14:56+0300

2019-11-16T14:56+0300

2022-04-14T15:37+0300

спадчына

у беларусі

навіны

ларыса мятлеўская

беларуская кухня

https://cdnn11.img.sputnik.by/img/102595/59/1025955982_0:154:3076:1893_1920x0_80_0_0_7e623e7701993239bddbc6f9f4c6737d.jpg

Лістапад – месяц, калі продкаў памінаюць не раз. У народным календары гэтаму прызначаны пэўныя дні. Звычайна яны прыпадаюць на пятніцу або суботу за тыдзень да асноўнага свята. Так надыходзяць Міхайлаўскія або Асеннія Дзяды.Такое свята – гэта асаблівы дзень, да якога рыхтуюцца загадзя: прыводзяць у парадак прысядзібную тэрыторыю, прыбіраюцца ў хаце і беляць яе. Усе гэтыя клопаты ляжаць на плячах жанчын. Дарэчы, памінанню працавітых, добрых жанчын – матуль, бабуль, сясцёр, якіх ужо няма побач – прысвечаны памінальны дзень Міхайлаўскія Бабы.У памінальныя дні нашы продкі абавязкова хадзілі ў Царкву, а пасля набажэнства спяшаліся  накрыць святочны стол. Памінальныя святы - добрая нагода прыгатаваць стравы, якія любілі родныя і блізкія. Былі ў беларусаў і абавязковыя стравы – іх гаспадыні заўсёды ставілі на памінальны стол.Страў павінна быць некалькі і сярод іх абавязкова куцця і бліны. Калі людзі садзіліся за стол, пакрыху ад кожнай стравы адкладалі на асобную талерку і ставілі на покуці. Пра такі звычай казалі: "Перш чым сабе - продкам". Гэтую ежу праз тры дні выносілі з хаты і аддавалі птушкам.Куцця памінальнаяПа рэцэпце Марыі Іванаўны Турановіч з вёскі Семежава, што ў Капыльскім раёне Мінскай вобласці.Інгрыдыенты:Як гатаваць:Зварыць на вадзе посную кашу, астудзіць, пасыпаць цукрам. У іншым посудзе расцерці мак да з’яўлення "малачка", дадаць мёд, змяшаць з кашай і добра перамяшаць. Калі каша вельмі густая, то ў яе можна дадаць крыху халоднай гатаванай вады. Апошнімі ў страву дадаюць арэхі.Кожная гаспадыня павінна ўмець гатаваць куццю Бліны на сыроватцыЯк гатаваць:У сыроватку сыплюць соду, каб добра запенілася. Дадаюць яйка, соль, цукар па смаку і мукі столькі, каб цеста было не густое і добра лілася.Блінцы - сапраўдная смаката! На разагрэтую патэльню ўліваюць алей два чарпакі цеста. Ставяць патэльню ў печ і чакаюць пакуль не зашкварчыць, каб перавярнуць блін на другі бок.Да бліноў падаюць салодкае малако.Заяц са смятанайІнгрыдыенты:Як гатаваць:Тушку зайца або труса мачыць у халоднай вадзе амаль два дні, часта зменьваючы ваду.Замест зайца можна ўзяць труса Дастаўшы з вады, тушку абсушыць, нашпігаваць салам і пасаліць,  пакласці на бляху і пячы, абклаўшы кавалкамі масла. Калі спячэцца напалову, паліць смятанай і ў ёй дапячы. Тады парэзаць на кавалкі і заліць ядлоўцавым соусам.Рыба, тушаная у смятане з бульбайІнгрыдыенты:Як гатаваць:Змазаць форму для запякання тоўстым слоем масла. Нарэзаць абабраную бульбу кружочкамі, выкласці тонкім слоем у форму. Пачышчаную і выпатрашаную рыбу нарэзаць на кавалкі, пасаліць і паперчыць па смаку і выкласці слаямі па чарзе з бульбай.Каб прыгатаваць смачную страву, трэба выбраць добрага шчупака Заліць усё смятанай і уставіць у печ альбо ў духоўку на 30-40  хвілін.

2019

Навіны

ru_BY

спадчына, у беларусі, навіны , ларыса мятлеўская, беларуская кухня