МІНСК, 18 ліс - Sputnik. Авіякампанія "Белавія" ўводзіць безбагажные тарыфы, якія будуць танней традыцыйных тарыфаў эканом-класа. Максімальная розніца ў кошце паміж пералётам з багажом і "безбагажным" падарожжам будзе дасягаць 65 еўра.
У авіякампаніі таксама вырашылі павялічыць вагу ручной паклажы з 8 да 10 кілаграм. Габарыты ручной паклажы не павінны перавышаць 55х40х25 см.
"Колькасць месцаў і кошт авіябілетаў у розных брэндаў будзе вар'іравацца ў залежнасці ад ёмістасці паветранага судна, колькасці пасажыраў на рэйсе і іншых фактараў. Розніца паміж коштам безбагажнага пералёту і мінімальным коштам квітка з багажом па маршруце "туды-назад" будзе складаць да 65 еўра у залежнасці ад кірунку", - распавялі ў авіякампаніі.
Напрыклад, кошт білета "туды-назад" без багажу ў Калінінград будзе пачынацца ад 85 еўра. З Мінска ў Прагу і назад без багажу можна будзе злётаць ад 166 еўра, для параўнання раней мінімальная цана з багажом складала 204 еўра.
З Мінска ў Кіеў авіябілет "туды-назад" без багажу абыйдзецца мінімум у 109 еўра. Мінімальны кошт раней з багажом складаў 134 еўра.
Калі ў вас безбагажны тарыф, то ручную паклажу нельга будзе здаваць у багаж. У сувязі з гэтым неабходна загадзя азнаёміцца з правіламі правозу ручной паклажы, якія захоўваюцца, як і раней: забаронены правоз усіх вострых, рэжучых і колючых прадметаў, выбуховых рэчываў, сціснутых і звадкаваных газаў. У ручной паклажы дазваляецца правозіць вадкасці агульным аб'ёмам 1 літр ва ўпакоўках не больш за 100 мл.
Пяць розных тарыфаў
Усе тарыфы авіякампаніі падзеленыя на пяць груп: "Прома", "Лайт", "Смарт", "Флекс" і "Бізнес".
"Мы ўпэўненыя, што значная частка нашых пасажыраў ужо знаёмая з такой канцэпцыяй па вопыту палётаў з многімі замежнымі авіякампаніямі", - перакананы генеральны дырэктар авіякампаніі Анатоль Гусараў.
Самыя танныя тарыфы будуць у групах "Прома" і "Лайт". Аднак такія квіткі даюць магчымасць узяць з сабой толькі ручную паклажу вагой не больш за 10 кілаграм. Калі захочаце дакупіць багажнае месца, то і тут кошт будзе зніжаны - з 50 да 25 еўра.
У тарыфы групы "Смарт" ужо ўключаны бясплатны правоз не толькі аднаго месца ручной паклажы вагой да 10 кілаграмаў, але і зарэгістраванага багажу вагой да 23 кілаграм. Білет, набыты па такім тарыфе, мяркуе магчымасць бясплатнага папярэдняга выбару асобных катэгорый месцаў у самалёце.
Па білеце тарыфу "Флекс" можна бясплатна правезці адно месца ручной паклажы і багаж вагой да 32 кілаграм. Акрамя таго, можна бясплатна выбраць месца ў салоне і змяніць даты вылету і вяртання.
Білет па тарыфе "Бізнес" уключае ў сябе найбольшую колькасць паслуг: бясплатны правоз двух месцаў ручной паклажы вагай не больш за 10 кілаграм кожнае і двух месцаў зарэгістраванага багажу вагой да 32 кілаграм кожнае. Можна бясплатна выбраць месца ў салоне і змяніць або нават вярнуць білет не толькі перад вылетам, але і пасля яго.
Уладальнікам квіткоў па тарыфе "Бізнес" таксама забяспечаць прыярытэтную пасадку, абслугоўванне ў бізнес-зале і асобную стойку рэгістрацыі.
Спартыўны рыштунак без дадатковай аплаты можна перавозіць толькі з квіткамі, набытымі па тарыфах "Смарт", "Флекс" і "Бізнес".
Новыя правілы дзейнічаюць для квіткоў, набытых з 18 лістапада. Да авіябілетаў, аформленым раней, прымяняюцца правілы, якія дзейнічалі на момант пакупкі авіябілета. А новыя правілы па памерах кожнага месца ручной паклажы будуць прымяняцца да ўсіх авіябілеты.
