МІНСК, 25 ліс - Sputnik. У Хельсінкі ёсць прапановы, як забяспечыць бяспеку Беларускай АЭС, заявіў міністр замежных спраў Пека Хаавіста падчас сустрэчы з Аляксандрам Лукашэнкам, перадае карэспандэнт Sputnik.
Прэзідэнт Беларусі сёння выказаў зацікаўленасць у фінскім вопыце забеспячэння бяспекі на атамнай станцыі "Ханхіківі-1", якая ўзводзіцца па аналагічным расійскім праекце.
Па словах міністра замежных спраў Фінляндыі, цяпер важна казаць пра адносіны нашых дзвюх краін, таму што яны добра развіваюцца ў сферы эканомікі.
Пасля чаго падзякаваў за працу беларускага пасла ў Хельсінкі, які дапамагае рабіць Беларусь больш цікавай фінам і прасоўваць яе.
"У нас ёсць прапановы па тым, як можна ўзмацніць бяспеку вашай станцыі ў Астраўцы", - сказаў Хаавіста.
Станцыя "Ханкіківі-1" будуецца па праекце "Расатама" і прадугледжвае збудаванне аднаго энергаблока з рэактарам ВВЭР-1200 пакалення "3+", такім жа, які усталёўваецца і на БелАЭС. Будаўніцтва пачалося ў пачатку 2016 года. Праекты станцый з энергаблокамі гэтага тыпу рэалізуюцца таксама ў Венгрыі, Турцыі і Францыі.
