МІНСК, 30 ліс - Sputnik. Распрацаваны праект указа аб адвязцы выплаты дарожнага збору ад праходжання тэхагляду, паведаміў журналістам міністр фінансаў Максім Ермаловіч.
"Мінфін падрыхтаваў праект указа, які спрашчае парадак спагнання збору з адначасовым узмацненнем кантролю за яго выплатай. Дарожны збор не будзе завязаны на праходжанне тэхагляду", - цытуе Ермаловіча БелТА.
Міністр фінансаў анансаваў новы падыход да збірання дарожнага збору - выплаціць яго будзе прасцей, а кантраляваць збіральнасць зручней. Будзе ўстаноўлены дакладны парадак перыядычнасці, і стымуляванне выплаты на вялікія тэрміны. Праект указа зараз праходзіць абмеркаванне ва ўрадзе.
Па словах Ермаловіча, збор будзе ажыццяўляцца аўтаматычна. Але па ўсёй верагоднасці, ён не будзе ўключаны ў кошт паліва.
"Гэта адаб'ецца на коштах у эканоміцы, у тым ліку на самыя масавыя прадукты, што негатыўна паўплывае на большую частку насельніцтва", - адзначыў міністр.
Чытайце таксама:
- Урад абяцае зніжку тым, хто аплаціць дарожны збор адразу за год
