Ярмошына выказалася пра дату прэзідэнцкіх выбараў

© Sputnik / Виктор ТолочкоУрна для галасавання на выбарчым участку №1, архіўнае фота
Урна для галасавання на выбарчым участку №1, архіўнае фота - Sputnik Беларусь
Падпісацца на
НовостиTelegram
На яе думку, у разгар лета будзе вельмі зручна праводзіць перадвыбарную агітацыю і вулічныя пікеты.

МІНСК, 6 сне - Sputnik. Старшыня Цэнтрвыбаркама Беларусі Лідзія Ярмошына лічыць аптымальнай датай правядзення выбараў прэзідэнта апошнія чыслы жніўня 2020 года.

Аляксандр Лукашэнка ўступае ў пасаду прэзідэнта Беларусі, цырымонія інаўгурацыі адбылася ў Палацы Незалежнасці, лістапад 2015 года - Sputnik Беларусь
Лукашэнка: магу новую канстытуцыю напісаць за тыдзень, але не буду

"Ніякай іншай аптымальнай даты як канец жніўня я не бачу. Але калі выбары будуць прызначаныя - гэта залежыць ад палітычнай волі кіраўніцтва", - заявіла Ярмошына журналістам у пятніцу ў кулуарах Палаты прадстаўнікоў.

Паводле яе слоў, пытанне аб прызначэнні даты выбараў будзе вынесена на вясновую сесію парламента.

Яна патлумачыла, што, у адпаведнасці з выбарчым заканадаўствам, прэзідэнцкая кампанія павінна пачацца ў канцы мая, то бок, за тры месяцы да заканчэння паўнамоцтваў кіраўніка дзяржавы.

Адказваючы на заўвагу аб тым, што ў канцы жніўня яшчэ людзі могуць знаходзіцца ў адпачынках, кіраўнік ЦВК сказала: "Для мяне самы аптымальны час выбараў - гэта канец лістапада, але затое як у разгары лета будзе зручна праводзіць агітацыю і вулічныя пікеты".

Яна таксама распавяла, што на пытанні супрацоўнікаў ЦВК аб тым, ці можна ісці ў адпачынкі ў траўні, дае ім станоўчы адказ: "Я ўсім (супрацоўнікам ЦВК) дазваляю ісці ў адпачынкі ў маі".

Стужка навiн
0