МІНСК, 7 сне - Sputnik. Жоўты ўзровень небяспекі аб'яўлены ў Беларусі на 8 снежня з-за шквалістага ветру і галалёдзіцы, пра гэта паведамілі ў Белгідраметцэнтры.
У апошні тыдзень надвор'е зусім не цешыць беларусаў. Амаль кожны дзень сіноптыкі аб'яўляюць штармавое папярэджанне з-за неспрыяльных з'яў надвор'я. 8 снежня не стала выключэннем.
"У начныя гадзіны ў нядзелю месцамі па рэспубліцы чакаецца ўзмацненне ветру парывамі да 15-18 метраў у секунду, па поўначы краіны на асобных участках дарог захаваецца галалёдзіца", - распавялі ў Белгідраметцэнтры.
У цэлым 8 снежня будзе воблачнае з праясненнямі надвор'е. Ноччу ў многіх раёнах, а днём толькі месцамі пройдуць невялікія кароткачасовыя дажджы і мокры снег. Ноччу і раніцай чакаецца галалёд, на дарогах галалёдзіца. Будзе дзьмуць заходні і паўднёва-заходні парывісты вецер.
У начны час мінімальная тэмпература за акном складзе -3 .. + 3°С, у сярэдзіне дня паветра прагрэецца да 0 .. + 6°С.
У Мінску ў нядзелю будзе воблачна, ноччу і вечарам магчымы дождж. У начныя гадзіны слупок тэрмометра пакажа +1 .. + 3°С, днём тэмпература паднімецца да +2 .. + 4°С. Атмасферны ціск істотна не зменіцца.
