МІНСК, 11 сне - Sputnik. Выканкам Асацыяцыі "Беларуская федэрацыя футбола" (АБФФ) зрабіў больш жорсткімі легіянерскі ліміт у чэмпіянаце Беларусі, паведамілі ў прэс-службе АБФФ.
Сёння ў Доме футбола адбылося пасяджэнне выканкама АБФФ, на якім тэхнічны дырэктар арганізацыі Дзмітрый Касянок выступіў з дакладам аб усталяванні лімітаў на замежных гульцоў.
Касянок у дакладзе падкрэсліў, што колькасць легіянераў павялічылася і гэта "негатыўна адбілася на гульнявым часе айчынных спартсменаў (асабліва маладых)". Паводле яго слоў, многія клубы, якія не вырашалі маштабных задач у нацыянальным першынстве, ігнаравалі задачу выхавання сваіх футбалістаў.
"Па выніках дакладу выканкам ухваліў прапанову ў заяўцы на матч чэмпіяната Беларусі вышэйшай лігі 2020 года пакінуць наступныя абмежаванні: 5 футбалістаў з беларускім пашпартам на поле; 5 замежных гульцоў на поле плюс яшчэ тры ў запасе", - праінфармавалі ў АБФФ.
Акрамя таго, са статусу легіянера выведзеныя футбалісты, якія пастаянна пражывалі ў Беларусі і выступалі тут на працягу трох гадоў да дасягнення 25-гадовага ўзросту.
Нагадаем, раней выканкам АБФФ прыняў рашэнне не лічыць расіян легіянерамі ў чэмпіянаце краіны.
