МІНСК, 15 сне - Sputnik. Кошт праезду ў гарадскім транспарце Мінска падаражэе ўслед за рэгіёнамі, пра гэта паведамілі Sputnik у прэс-службе Міністэрства антыманапольнага рэгулявання і гандлю Беларусі.
"У бліжэйшы час у Мінгарвыканкаме павінен быць падпісаны дакумент аб змене кошту праезду. Гэта запланаванае на 2019 г. павышэнне", - растлумачылі ў МАРГ.
Папярэдне, кошт адной паездкі ў гарадскім транспарце Мінска пры куплі талона ў кіёску абыйдзецца пасля павышэння ў 65 капеек (і ў 70 капеек пры набыцці ў кіроўцы). Жэтон у метро падаражэе да 70 капеек.
Нагадаем, напярэдадні кошт праезду вырас у грамадскім транспарце Гомеля (таксама на 5 капеек). Вядома і аб павышэнні ў Брэсцкай і Гродзенскай абласцях.
Нагадаем, у апошні раз праезд даражэў у гарадскім грамадскім транспарце Мінска ў лістападзе 2017 года, цана талона тады павялічылася на 5 капеек.
