МІНСК, 17 сне - Sputnik. Анамальна цёплае надвор'е захаваецца ў Беларусі да Новага года, сведчаць дадзеныя доўгатэрміновых прагнозаў еўрапейскіх метэаролагаў.
Істотнае пацяпленне ў пачатку гэтага тыдня прынясуць на кантынент паветраныя масы з Паўночнай Афрыкі - яны праз Міжземнае мора накіруюцца ў бок Балкан, Германіі, Францыі, а затым ва Усходнюю Еўропу.
Прагназуецца, што ў бліжэйшыя дні сярэдняя тэмпература паветра на 12-16°C перавысіць кліматычную норму. Пры гэтым снежны полаг, які ўсталяваўся ў некаторых рэгіёнах, пачне імкліва змяншацца.
У трэцяй дэкадзе снежня цёплае надвор'е захаваецца: яго характар, паводле прагнозаў, зменіцца толькі да Новага года, калі ў бок Беларусі праз тэрыторыю Расіі пачне паступаць паветра з Арктыкі.
A powerful warmth is developing over a large part of Europe this week as a strong ridge is strengthening across the ESE Europe. Temperatures should climb to near +20 °C in some areas! Winter is postponed.https://t.co/0XlPO1P4hU
— severe-weather.EU (@severeweatherEU) December 17, 2019
Паводле інфармацыі сіноптыкаў, да 30-31 снежня тэмпература паветра ў Беларусі апусціцца да -4..-5°C.
Прагназуецца, што снегу ў навагоднюю ноч у рэспубліцы не будзе - па папярэдніх дадзеных, снежнае покрыва ў 1-2 сантыметры ўсталюецца толькі ў асобных паўночных рэгіёнах краіны.
Супрацоўнікі еўрапейскіх метеослужб адзначаюць, што гэты прагноз папярэдні, атрыманы на падставе разліковых мадэляў, і надвор'е можа змяніцца.
