МІНСК, 18 сне - Sputnik. Нетыпова цёплае для зімовага перыяду надвор'е пратрымаецца ў Беларусі як мінімум да сярэдзіны наступнага тыдня, пра гэта сведчаць дадзеныя рэспубліканскага гідраметцэнтра.
Па дадзеных сіноптыкаў, у краіне ўсталявалася вельмі цёплае надвор'е з сярэднясутачнай тэмпературай паветра на 6-9°С вышэй за кліматычную норму, месцамі па поўдні яна павышалася нават да +11°С. У бліжэйшыя дні істотнага пахаладання не чакаецца: заўтра слупок тэрмометра таксама паднімецца вышэй за нуль.
"19 снежня (у чацвер) умовы надвор'я будзе вызначаць у асноўным вобласць павышанага атмасфернага ціску. Будзе воблачна з праясненнямі і без істотных ападкаў", - паведамілі ў Белгідрамеце.
У асобных раёнах захаваецца туман, з-за якога напярэдадні быў нават абвешчаны аранжавы ўзровень небяспекі, таксама можа дзьмуць моцны парывісты вецер. Ноччу пахаладае да -2..+4°С, днём паветра прагрэецца да +1..+6°С.
Якім будзе надвор'е ў Беларусі ў пятніцу і выхадныя?
У пятніцу, 20 снежня, надвор'е ў краіне ў асноўным будзе вызначаць вобласць павышанага атмасфернага ціску, сфармаваная ў больш прахалоднай паветранай масе. Будзе воблачна, але амаль без ападкаў, ноччу і раніцай утвараецца слабы галалёд, захаваецца парывісты вецер. Ноччу чакаюцца нават замаразкі 0..-5°С, але днём зноў пацяплее да -2..+5°С, а на паўднёвым захадзе і зусім да +8°С.
"21 снежня (у суботу) адаб'ецца ўплыў цёплых няўстойлівых паветраных мас, якія паступаюць з поўдня Еўропы. Прагназуецца воблачна з праясненнямі. Месцамі пройдуць кароткачасовыя ападкі, у асноўным дождж", - паведамілі сіноптыкі.
У асобных раёнах згусціцца слабы туман, аўтамабілістаў папярэджваюць аб галалёдзіцы на дарогах. Ноччу тэмпература паветра будзе знаходзіцца ў межах -2..+4°С, днём паветра прагрэецца ад +1°С па паўночным усходзе да +10°С па паўднёвым захадзе.
У нядзелю, 22 снежня, слабы туман і кароткачасовыя дажджы захаваюцца на большай частцы Беларусі. Уначы да 0..+6°С, днём - да +3..+9°С.
Што чакае беларусаў у пачатку наступнага тыдня?
Пачатак будучага працоўнага тыдня чакаецца дажджлівым. Так, у панядзелак, 23 снежня, на большай частцы краіны пройдуць кароткачасовыя дажджы, у некаторых раёнах згусцяцца туманы. Тэмпература паветра будзе аналагічнай і ў начныя, і ў дзённыя гадзіны.
У аўторак, 24 снежня, дажджы таксама пройдуць амаль усюды, ноччу будзе яшчэ крыху цяплей, а ў дзённыя гадзіны паветра прагрэецца максімальна да +2..+8°С.
Нагадаем, што паводле дадзеных доўгатэрміновых прагнозаў еўрапейскіх метэаролагаў, анамальна цёплае надвор'е захаваецца ў Беларусі да самага Новага года: істотнае пацяпленне прынеслі на кантынент паветраныя масы з Паўночнай Афрыкі.
