Святы Віфлеемскі агонь дастаўлены ў Беларусь

© Sputnik / Виктор ТолочкоАгонь штогод прыносіцца з Віфлеема ў Вену
Агонь штогод прыносіцца з Віфлеема ў Вену - Sputnik Беларусь
Падпісацца
У рэспубліку Віфлеемскі агонь прывозяць ужо больш за 20 гадоў - яго беларускім скаўтам на мяжы перадаюць польскія харцэры.

МІНСК, 20 сне - Sputnik. Каталіцкія скаўты даставілі агонь з Віфлеема ў Гродна, паведамілі ў Гродзенскай дыяцэзіі РКЦ.

Апостальскі нунцый Габар Пінтэр - Sputnik Беларусь
З Беларусі ў Гандурас: апостальскі нунцый Пінтэр завяршае працу ў Мінску

Традыцыйна агонь прывезлі ў рэспубліку з тэрыторыі Польшчы, у кафедральны касцёл Святога Францішка Ксаверыя ён быў унесены ў пятніцу.

Гродзенскі біскуп Аляксандр Кашкевіч адзначыў, што прыбыццё ў рэспубліку Віфлеемскага агню нагадвае вернікам, што ўжо хутка ў краіне будзе адзначацца адзін з галоўных каталіцкіх святаў - Раство Хрыстова.

Ён таксама падзякаваў скаўтам, якія з агнём адправяцца з Гродна ў іншыя каталіцкія мясціны Беларусі.

Прыгожую перадкалядную традыцыю распаўсюджваць Віфлеемскі агонь упершыню правялі ў 1986 годзе, каб падтрымаць людзей з інваліднасцю напярэдадні Раства. Яе тут жа падхапілі еўрапейскія скаўты і зрабілі яе штогадовай. З тых часоў напярэдадні каталіцкага Раства аўстрыйскія скаўты бяруць агонь ад негасімай лампады ў базыліцы Нараджэння ў Віфлееме і самалётам дастаўляюць яго ў Аўстрыю. Пасля ўрачыстых набажэнстваў часцінкі святога полымя раз'язджаюцца па еўрапейскіх краінах. У рэспубліку Віфлеемскі агонь прывозяць ужо больш за 20 гадоў - яго беларускім скаўтам на мяжы перадаюць польскія харцэры.

Стужка навiн
0