Учора ў Санкт-Пецярбургу прайшлі перамовы прэзідэнта Беларусі Аляксандра Лукашэнкі і прэзідэнта Расіі Уладзіміра Пуціна. Кіраўнікі дзяржаў прызналіся, што выканаць атрымалася не ўсё, што намецілі.
"8 снежня мы адзначылі 20-годдзе падпісання Саюзнага дагавора і нягледзячы на тое, што шмат чаго - і мы з вамі гэта канстатавалі - не зроблена ў рамках гэтай дамовы, але ўсё-ткі і вынікі працы ў рамках гэтага дакумента таксама значныя", - сказаў Пуцін.
Лукашэнка пагадзіўся. Нават тое, што Масква з Мінскам да гэтага часу "не разбегліся", як з краінамі Балтыі і Украінай, - ужо дасягненне, лічыць беларускі лідар.
"Калі мы і не рэалізавалі тыя пункты, якія там прапісаны, то мы і не разбегліся як гэта мае Расія з іншымі рэспублікамі постсавецкай прасторы, і не толькі з Прыбалтыкай або, там, з Украінай", - заявіў Лукашэнка.
Паводле яго слоў, "гэта таксама дасягненне". "Але вы правільна сказалі, нам ёсць над чым працаваць", - дадаў беларускі прэзыдэнт.
