МІНСК, 24 сне - Sputnik. Прэзідэнт Беларусі Аляксандр Лукашэнка не выключыў магчымасці з'яўлення "чыстых" расійскіх спартсменаў пад беларускім сцягам на міжнародных спаборніцтвах, у тым ліку Алімпійскіх гульнях. Пра гэта кіраўнік дзяржавы заявіў у інтэрв'ю галоўрэду "Эхо Москвы" Аляксею Венедыктаву.
Выканкам WADA 9 снежня аднагалосна прызнаў РУСАДА не адпавядаючай кодэксу арганізацыі і вырашыў на падставе праверкі дадзеных маскоўскай антыдопінгавай лабараторыі адхіліць расійскіх спартсменаў ад выступаў на Алімпійскіх гульнях і чэмпіянатах свету пад сцягам сваёй краіны на чатыры гады. Пры гэтым "чыстыя" расійскія спартсмены змогуць спаборнічаць у нейтральным статусе.
"Абсалютна. Гэта трэба сядаць і дамаўляцца, калі гэта не насуперак Алімпійскай хартыі, я думаю, гэта не супярэчыць, калі вашы і нашы федэрацыю дамовяцца. Чаму не?" - адказаў Лукашэнка на пытанне, ці гатовая Беларусь дапамагчы "чыстым" расійскім спартсменам на Алімпіядзе-2020 у Токіа.
На думку кіраўніка дзяржавы, "гэта будзе цікавая, паспяховая старонка" у гісторыі адносін дзвюх дзяржаў па вельмі хваравітым пытанні. "Я гэтага не выключаю", - сказаў ён.
"А мы родныя. Таму я гэта не выключаю, калі гэта актуальна для расіян", - сказаў Лукашэнка.
"Я не супраць. Але ёсць некаторыя, хто супраць і на Захадзе і, можа, у самой Расіі. Нашы міністры ў кантакце па гэтым пытанні. Калі прымальна, і мы нічога не парушаем. Я думаю няма. Гэта нават прыгожая старонка будзе", - працягнуў ён.
Лукашэнка нагадаў, як беларусы падтрымалі Расію на Паралімпійскіх гульнях у Рыа-дэ-Жанейра ў 2016 годзе.
Допінг ёсць усюды
Беларускі лідэр у чарговы раз заступіўся за "чыстых" расійскіх атлетаў.
"Калі яны аднекваюцца, гэта брыдка слухаць, таму што допінг ёсць усюды. Але ў чым расіяне маюць рацыю, кіраўніцтва Расіі - а што, гэта расійскія вынаходніцтва? Вы паглядзіце на некаторых спартсменаў, нават вы, як чалавек, які цікавіцца спортам, вы ведаеце іх, і ведаеце, што без гэтага допінгу яны такія б вынікі не паказалі, але да іх няма... і калі нават недзе, то іх па попе папляскаюць, як дзіцяці, глядзі, больш не дапушчай. А Расію на калена нахіляюць, гэта няправільна", - заявіў Лукашэнка.
Прэзідэнт Беларусі адзначыў таксама, што допінг тычыцца таго ці іншага спартсмена. "Ну карайце яго, але не карайце чыстых спартсменаў", - падкрэсліў ён.
Кіраўнік дзяржавы звярнуў увагу, што ў Беларусі па яго ініцыятыве было ўведзена крымінальная адказнасць за наўмыснае ўжыванне допінгу. "У нас гэта сур'ёзна", - сказаў ён.
