МІНСК, 24 сне - Sputnik. Прэзідэнт з'яўляецца галоўным абаронцам незалежнасці Беларусі, заявіў Аляксандр Лукашэнка ў інтэрв'ю галоўнаму рэдактару "Эхо Москвы" Аляксею Венедыктаву ў аўторак.
Адказваючы на пытанне з нагоды акцый у абарону незалежнасьці - ці адчувае прэзідэнт пагрозу суверэнітэту Беларусі - кіраўнік дзяржавы сказаў, што "разумее іх (пратэстуючых), але не трэба называць іх масавымі".
"Выходзілі на праспект Пераможцаў, праспект Незалежнасці, дзе велізарная маса народу ідзе. Чатырыста чалавек (гэта ядро нашай апазіцыі) уздымалі сцягі. І ў СМІ тое, што вы бачылі, здаецца - колькі народу! Звычайныя людзі, хто на працу, хто з працы, хто ў краму", - растлумачыў беларускі прэзідэнт.
Пасля чаго дадаў, што разумее іх "абсалютна": "Я не проста іх (апазіцыю - Sputnik) разумею, я не адпрэчваю іх пункт гледжання. Мы павінны з гэтым лічыцца".
"Бяда ў тым, што яны робяць гэта дзеля нейкай палітыкі. Нехта там падказаў, праплаціў. Фонды даюць ім прыстойныя грошы. Яны нядрэнна жывуць, як я казаў. Гэта робіцца не дзеля таго, каб абараніць суверэнітэт, таму што яны выдатна разумеюць, што я ніколі не пайду на тое, ад чаго яны спрабуюць зберагчы беларускі народ", - запэўніў Аляксандр Лукашэнка.
Пры гэтым ён асабліва падкрэсліў, што "самы галоўны абаронца незалежнасці - думаю, для вас гэта не дзіўна - з'яўляецца прэзідэнт Беларусі. Таму што ён адказвае па Канстытуцыі за гэта".
Пагроза ёсць заўсёды
На ўдакладняючае пытанне, ці ёсць пагроза суверэнітэту Беларусі, Аляксандр Лукашэнка адказаў, што "класічна пагроза ёсць нават суверэнітэту Расіі".
"Вы, як гісторык, разумееце, што пагроза ёсць заўсёды. Гітлер таксама на нас калісьці рынуўся. Пагроза была, велізарны Саюз быў? Была! Мы адстаялі суверэнітэт і незалежнасць", - нагадаў ён.
Прэзідэнт Беларусі звярнуў увагу, што наша рэспубліка не з'яўляецца каласальнай дзяржавай з велізарнымі рэсурсамі, але знаходзіцца "ў цэнтры катла".
"Сёння тут перасякаюцца ўсе інтарэсы з Захаду на Усход, і не толькі расійскія, з Поўдня на Поўнач. Вось тут так склалася сітуацыя. Будучы ў гэтым катле трэба паводзіць сябе настолькі дакладна, тонка і акуратна, каб цябе не зварылі ў гэтым катле. Вось у чым мая праблема", - прызнаўся Аляксандр Лукашэнка.
Паводле яго слоў, Беларусь часта папракаюць, што краіна глядзіць то на Захад, то на Усход. На самай справе наша рэспубліка не выбірае паміж двума бакамі.
"Вось яна - зямля, якую нам падарыў божа. Кацёл сёння. І я ў гэтым катле разам з 10 мільёнамі беларусаў і 3 мільёнамі гасцей кожны дзень, у асноўным расиянами, варуся. А не павінен зварыцца", - вобразна адказаў кіраўнік дзяржавы.
На яго думку, пагроза суверэнітэту Беларусі не ўзрастае.
"Ці ёсць пагроза, як гэта некаторыя кажуць, з боку Расиі? Слухайце, у гэтай сітуацыі Расіі патрэбна яшчэ адзін галаўны боль? Не, Расія, вядома, будзе дзейнічаць акуратна, асцярожна", - адзначыў кіраўнік дзяржавы.
Аляксандр Лукашэнка лічыць, што "небяспечная пагроза з'явіцца тады, калі ў нас будзе зусім дрэнна з эканомікай. Калі людзям немагчыма будзе вынесці - адзіная прычына. Пакуль я ва ўладзе - гэта адзіная пагроза".
Пасля чаго вобразна адзначыў, што, калі гіпатэтычна Расія паквапіцца на суверэнітэт Беларусі, то "вы ведаеце, як адрэагуе сусветная супольнасць. Яны апынуцца ўцягнутымі ў вайну, Захад і НАТА гэта не перанясе, таму што яны палічаць гэта за пагрозу ім".
У сваю чаргу спроба Захаду захапіць Беларусь стане пагрозай суверэнітэту Расіі: "што такое ракеты сярэдняй і меншай далёкасці пад Смаленскам і што такое - там далёка ў Польшчы?"
Аляксандр Лукашэнка прызнаўся, што на апошніх перамовах з Уладзімірам Пуціным назваў Беларусь фарпостам для Расіі і той з ім пагадзіўся.
"Калі раптам нехта захоча паваяваць з Расіяй, мы ж у бок не адыдзем", - канстатаваў ён.
На яго думку, пагрозай і для Беларусі і для Расиі можа стаць не сама Украіна, а гіпатэтычны прыход да ўлады нацыяналістаў, якія атрымаюць у свае рукі зброю.
"Вядома, дрэнна, калі Украіна ўступіць у НАТА. Гэта бяспекі нам не дадасць, ні нам, ні тым больш Расіі", - упэўнены беларускі лідар.
