Запрошаных у будынку амбасады сустракаў пасол Расіі ў Беларусі Дзмітрый Мезенцаў. Сярод гасцей былі першы віцэ-прэм'ер Дзмітрый Круты, кіраўнік ЦВК Лідзія Ярмошына, кіраўнік Мінабароны Андрэй Раўкоў, міністр замежных спраў Уладзімір Макей, мітрапаліт Павел, кіраўнік РКЦ Тадэвуш Кандрусевіч і іншыя.
Мезенцаў выступіў з кароткай прамовай, у якой распавёў пра мэты інтэграцыі Беларусі і Расіі.
"Калі мы гаворым аб саюзнай інтэграцыі, мы, перш за ўсё, павінны разумець, што гэта робіцца на карысць мільёнаў людзей, на карысць краін-саюзнікаў, на карысць стабільнасці, міру і бяспекі ў Еўразіі, у свеце ў цэлым. Мы гаворым пра збліжэнне нацыянальных заканадаўстваў", - паведаміў ён.
У сваю чаргу Круты адзначыў, што Саюзная дзяржава для Беларусі і Расіі - вельмі важны праект, які за апошнія дні атрымаў новае дыханне. Паводле яго слоў, у бліжэйшы час бакі вырашаць апошнія праблемныя пытанні і парафіруюць пакет інтэграцыйных дакументаў.
