МІНСК, 26 сне - Sputnik. Зімовыя Дні адчыненых дзвярэй стартуюць у Беларускім дзяржаўным універсітэце 26 снежня, паведамілі Sputnik у прэс-службе галоўнай ВНУ краіны.
Дні адчыненых дзвярэй праводзяцца універсітэтамі для таго, каб абітурыенты маглі азнаёміцца з прапановай ВНУ і вызначыцца, куды падаваць дакументы ў рамках прыёмнай кампаніі. Традыцыйна праводзіць іх і галоўная ВНУ краіны.
Як паведамілі ў прэс-службе БДУ, першымі абітурыентаў сустрэнуць біялагічны факультэт і факультэт даўніверсітэцкай адукацыі. Эканамічны факультэт і ліцэй БДУ запрашаюць усіх жадаючых 27 снежня. На наступны дзень, 28 снежня, прыме гасцей хімічны факультэт.
Ужо 3 студзеня абітурыентаў чакаюць на механіка-матэматычным, філалагічным і факультэце радыёфізікі і камп'ютэрных тэхналогій. Прадстаўнікі факультэтаў прыкладной матэматыкі і інфарматыкі, міжнародных адносін і гістарычнага адкажуць на пытанні патэнцыйных абітурыентаў 4 студзеня.
Дзень адчыненых дзвярэй на журфаку пройдзе 8 студзеня. А ўжо 9 студзеня расчыняць дзверы факультэты геаграфіі і геаінфарматыцы, сацыякультурных камунікацый, філасофіі і сацыяльных навук, юрыдычны, Міжнародны экалагічны інстытут імя А.Д. Сахарава, а таксама Юрыдычны каледж. Будучыя студэнты могуць наведаць 10 студзеня Інстытут тэалогіі, а 11 студзеня - Інстытут бізнесу і фізічны факультэт.
Апошнім адкрые дзверы ваенны факультэт - 15 лютага.
