Аляксандр Лукашэнка ўпэўнены, што ў добрых справах працягваюцца лепшыя традыцыі беларусаў. Пра гэта ён заявіў 27 снежня на дабрачынным свяце ў Палацы Рэспублікі, прысвечаным акцыі "Нашы дзеці". Беларускі лідар асабліва адзначыў, што наша краіна заўсёды гатовая прыняць удзел у лёсах маленькіх грамадзян іншых дзяржаў.
"Мы ўсё ж такі жывем пад мірным небам, у спакойнай, ціхай і прыгожай краіне. Але далёка не ўсюды так. І мы як сапраўдныя высакародныя людзі, як сапраўдныя беларусы дапамагаем гэтых дзеткам", - падкрэсліў Лукашэнка.
Прэзідэнт шчыра верыць, што юныя беларусы стануць добрымі людзьмі: сумленнымі, добрымі і працавітымі. І абавязкова зробяць для роднай краіны нешта важнае і карыснае, бо ўжо сёння нашы дзеці і падлеткі даволі паспяховыя, рэгулярна перамагаюць на міжнародных прадметных алімпіядах, музычных і мастацкіх конкурсах, спартыўных спаборніцтвах.
"Я шчыра ганаруся ўсімі вашымі поспехамі. Думаю, што такіх поспехаў стане яшчэ больш, калі мы адкрыем Нацыянальны дзіцячы тэхнапарк для самых адораных юных беларусаў. Туды будуць мець магчымасць прыехаць нашы дзеці з усіх куткоў краіны, пропуск адзін: вашы веды і таленты", - заўважыў Аляксандр Лукашэнка.
Фрагмент выступу Аляксандра Лукашэнкі на дабрачынным свяце ў Палацы Рэспублікі слухайце ў аўдыёзапісы на радыё Sputnik Беларусь.
