МІНСК, 29 сне - Sputnik. Першы віцэ-прэзідэнт НАК Беларусі Віктар Лукашэнка з сям'ёй прывёз падарункі ў дзіцячы дом сямейнага тыпу ў вёсцы Заслонаўка Аршанскага раёна, перадае БелТА.
У Беларусі перад навагоднімі святамі кожны год праходзіць рэспубліканская дабрачынная акцыя "Нашы дзеці", у якой удзельнічаюць беларускія чыноўнікі.
Разам з Віктарам Лукашэнкам у сям'ю з вёскі Заслонаўка прыехалі яго жонка Лілія Лукашэнка і іх дзеці.
Да прыезду гасцей з Мінска кіраўнік сямейства Святлана Дашкевіч, якая выхоўвае восем дзяцей ва ўзросце ад 5 да 17 гадоў, рыхтавалася з самай раніцы. Паводле яе слоў, разам з рабятамі яны напяклі розных ласункаў.
А сям'я Лукашэнка прывезла ў падарунак прынтэр, веласіпеды, гіраскутэр і прысмакі.
У адказ рабяты з дзіцячага дома сямейнага тыпу падарылі сваім аднагодкам з Мінска вырабы.
Як адзначыла Лілія Лукашэнка, у іх сям'і склалася традыцыя праводзіць Новы год і Каляды разам.
"Вядома, дзеткі растуць, хочуць правесці гэтае свята з сябрамі. З гэтым трэба змірыцца. Важна закласці традыцыю, бо потым, калі ў іх з'явяцца ўласныя сем'і, яны зноў вернуцца да яе і заўсёды будуць спяшацца ў родны дом", - падкрэсліла яна.
