МІНСК, 31 сне - Sputnik. Беларускі прэзідэнт Аляксандр Лукашэнка напярэдадні падпісаў указ аб павышэнні ў рэспубліцы ў 2020 годзе тарыфаў на жыллёва-камунальныя, паведамілі ў прэс-службе кіраўніка дзяржавы.
Як і планавалася, сумы ў жыроўках ў наступным годзе вырастуць прыкладна на пяць долараў ЗША (у разліку на тыпавую двухпакаёвую кватэру з трыма пражываючымі).
Павышэнне будзе праводзіцца ў два этапы - з 1 студзеня (на 3,5 долара) падаражэюць паслугі газа-, вода-і электразабеспячэння, водаадвядзення, капрамонту, вывазу смецця і іншыя. Другі этап пачнецца 1 чэрвеня - павялічыцца кошт (на 1,5 долара) ацяплення і гарачага водазабеспячэння.
Пры гэтым тарыфы на тэхабслугоўванне дамоў і дамафонаў не вырастуць - яны застануцца на ўзроўні 2019-га.
Субсідыі насельніцтву
Дзяржава прадоўжыць падтрымліваць беларусаў ва ўмовах падаражэння ЖКП - з дапамогай прадастаўлення безнаяўных жыллёвых субсідый.
Субсідыі могуць атрымаць сем'і, у якіх на камуналку будзе сыходзіць больш за пэўную частку сярэднямесячнага сукупнага даходу (20% - для гарадскога насельніцтва, 15% - для сельскага).
За студзень-кастрычнік 2019 года такім субсідыямі скарысталіся звыш 21 тысяч сем'яў на суму больш за 1,1 мільёна рублёў.
