Каманда Лукашэнкі трыумфальна пачала паход за 13-м Кубкам Каляднага турніру

© SputnikКаманда Лукашэнкі трыумфальна распачала паход за 13-м Кубкам Каляднага турніру
Каманда Лукашэнкі трыумфальна распачала паход за 13-м Кубкам Каляднага турніру - Sputnik Беларусь
Падпісацца
Аляксандр Лукашэнка і Генадзь Савілаў аформілі па хет-трыку. Усяго ж у вароты зборнай ІІХФ уляцела 11 шайб.

МІНСК, 4 сту - Sputnik. Хакейная каманда прэзідэнта Беларусі Аляксандра Лукашэнкі з перамогі стартавала на 16-м калядным турніры, паведамляе Sputnik.

Напярэдадні на лёдзе мінскага спарткомплексу "Чыжоўка-Арэна" адкрыўся 16-ы Калядны турнір.

Гаспадары першынства ў першым матчы сустракаліся са зборнай Міжнароднай федэрацыі хакея (ІІХФ). Каманда беларускага лідара святкавала перамогу з лікам 11:3 (2:0, 4:2, 5:1). У складзе пераможцаў дакладнымі кідкамі адзначыліся Аляксандр Лукашэнка (хет-трык), Максім Слыш, Андрэй Глебаў, Дзяніс Курдзека, Дзмітрый Мялешка (закінуў двойчы), Генадзь Савілаў (таксама аформіў хет-трык).

Пасля гульні каманда беларускага лідара традыцыйна падзякавала заўзятарам за падтрымаю, падарыўшы ім мяккія цацкі.

© SputnikПасля гульні каманда беларускага лідара традыцыйна падзякавала заўзятарам за падтрымку і падарыла мяккія цацкі
Каманда Лукашэнкі трыумфальна пачала паход за 13-м Кубкам Каляднага турніру - Sputnik Беларусь
Пасля гульні каманда беларускага лідара традыцыйна падзякавала заўзятарам за падтрымку і падарыла мяккія цацкі

Самым удачлівым дасталіся сувеніры з рук кіраўніка дзяржавы, які звярнуў увагу на хлопчыка, што ўсю гульню прасядзеў з плакатам "Марыць не шкодна. Хачу клюшку ад прэзідэнта".

Моцны бок каманды Лукашэнкі

"Вядома, першая гульня ў нас такая вызначальная, дае імпульс на ўвесь турнір, таму рыхтаваліся да яе добра", - сказаў журналістам абаронца каманды прэзідэнта Аляксандр Макрыцкі.

Ён не змог адказаць, хто з 11 каманд ўяўляе найбольшую пагрозу гаспадарам.

"Па канкурэнтам пакуль цяжка сказаць, трэба паглядзець, як выступаюць іншыя каманды", - удакладніў Макрыцкі.

© SputnikКалядны турнір. Матч Беларусь - ІІФХ. Фота на памяць з супернікамі
Каманда Лукашэнкі трыумфальна пачала паход за 13-м Кубкам Каляднага турніру - Sputnik Беларусь
Калядны турнір. Матч Беларусь - ІІФХ. Фота на памяць з супернікамі

"А самы моцны бок нашай каманды - згулянасць. Шмат гульцоў разам гулялі не адзін год. Менавіта за кошт камандных дзеянняў, за кошт працы будзем абыгрываць сапернікаў", - сказаў ён.

Старшыня Федэрацыі хакея Беларусі Генадзь Савілаў звярнуў увагу, што для гаспадароў не была сюрпрызам перавага над супернікам.

"Усё адбываецца так, як мы разлічвалі, і нічога дзіўнага ў гэтым няма, напэўна, таму што мы рыхтаваліся да турніру", - сказаў Савілаў.

Разам з тым кіраўнік ФХРБ адзначыў, што ў зборнай ІІХФ шмат знакамітых гульцоў.

"Натуральна, майстэрства ў іх вагон і маленькі вазок, і яны гэта даказваюць, забіваючы галы. Але за кошт функцыянальнай падрыхтоўкі, за кошт руху мы іх перагульваем", - сказаў пасля другога перыяду Савілаў.

Сёння беларуская каманда пазмагаецца супраць пачаткоўцаў Каляднага турніру - хакеістаў з ЗША.

Нагадаем, каманда Лукашэнкі 12 разоў заваёўвала золата Каляднага турніру, у апошні раз - у 2019-м. Тройчы чэмпіёнамі станавіліся расіяне.

Стужка навiн
0