МІНСК, 6 сту - Sputnik. Правядзенне баляў ў Палацы Незалежнасці стане штогадовым, заявіў міністр культуры Юрый Бондар.
Першы венскі баль у палацы Незалежнасці адбыўся 28 снежня 2019 года. На яго былі запрошаны лепшыя прадстаўнікі беларускай моладзі, а таксама беларускага істэблішменту. Наведаў баль і прэзідэнт краіны Аляксандр Лукашэнка.
"Традыцыя баляў ў палацы рэспублікі будзе працягнутая. Яе заклаў у мінулым годзе прэзідэнт краіны", - заявіў міністр культуры Юрый Бондар.
"У гэтым годзе мы прыўнеслі (у фармат мерапрыемства - Sputnik) спецыфіку опернага венскага балю", - сказаў міністр у эфіры праграмы "Контуры" на тэлеканале АНТ.
Пры гэтым ён паведаміў, што разнавіднасцяў баляў шмат.
"Ёсць і баль адвакатаў, і карамельны баль, якія таксама адпавядаюць навагодняй тэматыцы", - сказаў Бондар.
Адказваючы на пытанне аб тэматыцы і фармаце наступнага навагодняга балю ў Палацы Незалежнасці, міністр сказаў: "Аб фармаце мы падумаем, але баль абавязкова будзе. Гэта прыгожая традыцыя нашай суверэннай Беларусі".
Венскі баль 28 снежня стаў першым такім мерапрыемствам у сучаснай гісторыі краіны.
