МІНСК, 8 сту - Sputnik. Камунальнікі дапамогуць беларусам экалагічна ўтылізаваць ёлку. Пра гэта распавёў гендырэктар ГА "Мінская гарадская жыллёвая гаспадарка" Юрый Кукашук.
Спецыялісты раённых ЖКГ дапамогуць правільна ўтылізаваць жывую ссечаную навагоднюю елку пасля заканчэння святаў: імі будзе арганізаваны вываз дрэў з прыдамавых тэрыторый.
Прадпрыемствы - перавозчыкі адходаў будуць вывозіць елкі ў перадапошнюю і апошнюю нядзелі месяца: 19 і 26 студзеня, як цытуе гендырэктара Мінгаржылгас агенцтва "Минск-Новости".
Адзначаецца таксама, што мінчан дадаткова праінфармуюць пра месцы, куды можна прынесці елі і хвоі, на інфармацыйных дошках і на сайце ЖКГ раёнаў.
Дарэчы, напярэдадні Новага года лясгасы і Рэспубліканскі лясны селекцыйна-насенняводчы цэнтр прапаноўвалі беларусам купіць хвою ці елку ў кадушцы, чыгуне ці скрыні, каб пасля захаваць да вясны і высадзіць у найбліжэйшым лясніцтве.
У цэлым жа ў перадсвяточныя дні лясгасы Беларусі прадалі амаль 140 тысяч елак і соснаў. У Мінлясгасе адзначылі, што попыт на жывыя дрэвы знізіўся: іх было прададзена на 20 тысяч менш, чым годам раней.
