МІНСК, 8 сту - Sputnik. Анамальна цёплае надвор'е ўсталявалася ў Беларусі і захаваецца ў бліжэйшыя дні. Пра гэта распавялі Sputnik у рэспубліканскім гідраметцэнтры.
"На гэтым тыдні ў Беларусі чакаецца няўстойлівае, з павышаным тэмпературным фонам надвор'е, а таксама ападкі ў выглядзе дажджу і мокрага снегу. І калі начныя тэмпературы яшчэ могуць месцамі па рэспубліцы быць слаба адмоўнымі, то дзённыя - станоўчыя. Гэта не зіма, і на бліжэйшай тыдні зімы не прадбачыцца", - распавяла намеснік начальніка службы метэапрагнозаў Святлана Рыбакова.
Паводле слоў спецыяліста, за перыяд святаў быў пабіты шэраг тэмпературных рэкордаў, аднак гаворка пра рэкорды дня. Нягледзячы на тое, што да канца зімы яшчэ далёка, у Белгідрамеце ўжо падвялі вынікі снежня.
"Мінулы снежань аказаўся вельмі цёплым і заняў другое месца ў рэйтынгу самых цёплых за ўвесь перыяд метэаназіранняў - пасля снежня 2006 года", - патлумачыла Святлана Рыбакова.
Яна таксама канстатавала: надвор'е ў рэспубліцы анамальна цёплае, напярэдадні тэмпературны фон таксама на 2-7 градусаў перавышаў кліматычную норму. "Можна казаць пра тое, што ў Беларусі кліматычная зіма яшчэ не наступіла", - адзначыла намеснік начальніка службы метэапрагнозаў гідраметцэнтра.
Восень у Беларусі расцягнулася на чатыры месяцы
"Сапраўды, сярэдняя тэмпература снежня 2019 г. была 1,9, такі тэмпературны рэжым адпавядае першай дэкадзе лістапада. А вось за першыя сем дзён студзеня сярэдняя тэмпература была крыху ніжэй (0,2), адпавядала другой дэкадзе лістапада. Пакуль у Беларусі осенняе надвор'е", - пацвярджае начальнік аддзела вывучэння змен клімату Наталля Клявец.
Пераходны перыяд, па яе словах, доўжыцца ўжо амаль чатыры месяцы. Кліматычнае лета ў рэспубліцы скончылася 14-17 лістапада, а кліматычная зіма (пераход сярэдніх тэмператур праз нуль у бок паніжэння) яшчэ не наступіла. "Працягласць пераходнага сезона складае амаль чатыры месяцы", - канстатавала кліматолаг.
Паказчыкі сапраўды анамальныя, пацвярджае яна. Істотных тэмпературных рэкордаў у першыя дні новага году, па яе словах, не фіксавалі (у той час, як, да прыкладу, 1 студзеня 1984 г. Менску было вышэй за +5 градусаў).
