МІНСК, 8 сту - Sputnik. Аляксандр Лукашэнка выказаў спачуванні ўкраінскаму прэзідэнту Уладзіміру Зяленскаму, іранскаму прэзідэнту Хасану Роухані і генерал-губернатару Канады Жулі Пейет у сувязі са шматлікімі ахвярамі ў авіякатастрофе, паведамілі ў прэс-службе беларускага лідара.
"Глыбокія спачуванні і словы падтрымкі кіраўнік дзяржавы таксама адрасаваў родным і блізкім усіх загінулых", - гаворыцца ў паведамленні.
Прэзідэнт Беларусі ў тэлеграме на адрас сваіх калег адзначыў, што ў нашай краіне не толькі падзяляюць боль страты, але і смуткуюць у сувязі з трагедыяй.
Сёння раніцай стала вядома, што авіялайнер Boeing 737, які належыць украінскай авіякампаніі МАУ, разбіўся неўзабаве пасля ўзлёту з аэрапорта імя імама Хамейні ў Тэгеране.
На борце самалёта было больш за 160 пасажыраў і некалькі членаў экіпажа. Тых, хто выжыў у выніку аварыі няма. Як мяркуецца, прычынай аварыі стала тэхнічная няспраўнасць.
