МІНСК, 10 сту - Sputnik. Расія павінна ініцыяваць забарону гандлю сумесямі з утрыманнем цінкаціну на ўсёй тэрыторыі Еўразійскага эканамічнага саюза (ЕАЭС), заявіў прэм'ер-міністр Расіі Дзмітрый Мядзведзеў на сустрэчы з кіраўніком МУС РФ Уладзімірам Калакольцавым і кіраўніком Расспажыўнагляду Ганнай Паповай.
На сустрэчы абмяркоўвалася пытанне ўзмацнення кантролю за абаротам прадукцыі з утрыманнем нікаціну.
"Трэба правесці працу, каб ад імя Расійскай Федэрацыі, напрыклад, пайшла ініцыятыва ў еўразійскую калегію. Калі трэба мы гэта разгледзім на Савеце кіраўнікоў урадаў, і проста гэты прадукт забараніць, прычым на тэрыторыі ўсяго Еўразійскага саюза", - сказаў Мядзведзеў аб сумесях з утрыманнем нікаціну.
З-за адсутнасці межаў паміж краінамі-удзельнікамі ЕАЭС адсутнасць адзінага падыходу да сумесяў з утрыманнем нікаціну прывядзе да таго, што "гэтую дрэнь ўсё роўна будуць завозіць", адзначыў кіраўнік расійскага ўрада.
У Беларусі раней ужо абмяркоўвалася пытанне аб неабходнасці ўвесці кантроль за продажам жавальных сумесяў з утрыманнем нікаціну. Такая прапанова гучала ў лістападзе на аператыўнай нарадзе ў Міністэрстве антыманапольнага рэгулявання і гандлю з удзелам прадстаўнікоў Міністэрства аховы здароўя, МУС, Дзяржстандарту і абласных упраўленняў гандлю.
На нарадзе адзначалася, што тавар не з'яўляецца тытунёвым вырабам, таму патрабаванні да яго абароту не могуць супадаць з тымі, што прымяняюцца да гандлю тытунёвымі вырабамі. У выніку купіць сумесі ў цяперашні час свабодна могуць дзеці і падлеткі.
