МІНСК, 10 сту - Sputnik. Унікальную аперацыю на сэрцы ўпершыню правялі ў Беларусі, пра гэта паведамілі ў прэс-службе Міністэрства аховы здароўя.
Беларускія медыкі выканалі малаінвазіўнае пратэзаванне аартальнага клапана, пацыенткай стала 78-гадовая жанчына, у якой быў дыягнаставаны крытычны аартальны стэноз.
Аперацыя прайшла пад мясцовым наркозам, да сэрца дабраліся праз сцегнавыя пасудзіны. На ўвесь працэс сышло 2 гадзіны 10 хвілін пры тым, што класічная аперацыя доўжыцца звычайна 5-6 гадзін. Ужо праз чатыры дні пацыентку выпісалі.
Аартальны стэноз - гэта звужэнне аартальнага клапана, у выніку якога кроў з поласці сэрца з цяжкасцю трапляе ў аорту. Часцей за ўсё здараецца ў пажылых людзей. Сярод частых сімптомаў - непрытомнасці, стэнакардыя і задышка пры фізічнай нагрузцы.
Пры стэнозе аартальнага клапана выжывальнасць пацыентаў не перавышае 50%. Каб перамагчы яго, праводзяць пратэзаванне аартальнага клапана. Пры гэтым 30-40% пацыентаў традыцыйную аперацыю не могуць правесці ў сілу розных прычынаў.
