Тэлеканал RT запускае праект #СтраницыПобеды, які раскажа гісторыю Вялікай Айчыннай вайны на мове сучасных медыя і лічбавага мастацтва.
"Гэта шматгранны дакументальны сацмедыяпраект. Асаблівы погляд на 9 мая 1945 года, на яго гістарычны маштаб праз прыватнае, асабістае ўспрыманне кожнага сёння. Гісторыя Перамогі, расказаная маладымі і для маладых на мове сучасных медыя на пяці старонках у сацыяльных сетках", - распавялі аўтары праекта.
Гісторыя будзе даступная на пяці платформах - гэта Twitter, Instagram, Facebook, Укантакце і YouTube. Для іх ствараецца ўнікальны кантэнт, уключаючы дакументальны фільм, падкасты, мікраблогі ад імя ўдзельнікаў тых далёкіх падзей, ваенныя лісты і digital art пры дапамозе VR, 3D і іншых сучасных тэхналогій.
Мінулым летам каманда праекта #СтраницыПобеды прадставіла шрыфт "Май", пры стварэнні якога выкарысталі надпісы на сценах Рэйхстага, зробленыя савецкімі салдатамі.
