"Калі я ў дзяцінстве глядзеў фільмы з удзелам Гойкі Міціча (гэта быў 5 -6-ы клас школы), то разумеў: перажыць такое можна толькі ў кіно. І менавіта тады ў мяне з'явіліся першыя думкі аб акцёрскай прафесіі. Першапачаткова я цалкам не быў зарыентаваны на той вобраз, у якім мяне прывыклі бачыць кінагледачы, мне хацелася іграць характэрныя ролі. Калі я паступаў у Школу-студыю МХАТ, я чытаў маналог Качкарова, сябра Падкалесіна з "Жаніцьбы" Гогаля. І педагог Уладзімір Аляксандравіч Пяшкоў, які звярнуў на мяне увагу (ён уваходзіў у групу І.М.Тарханава, курс якога я скончыў), сказаў: "Навошта ты чытаеш характэрнае? Табе гэта не пасуе, ты вонкава цалкам іншы тыпаж ", - успамінае суразмоўца Sputnik.
Па словах артыста, здымкі ў сучасных серыялах не прыносяць таго адчування шчасця, якое было ўласціва яго працы ў савецкіх фільмах. Былі іншыя персанажы, не было той грамадскай "перакасабочанасці", калі ў шэраг новых герояў патрапілі "браткі" і прасунутыя спажыўцы.
Sputnik Беларусь дзякуе Міжнароднаму медыя-клубу "Фармат А-3" за супрацоўніцтва і магчымасць пагутарыць з заслужаным артыстам Беларусі Анатолем Кацянёвым.
