Еўрасаюз разгледзіць "замарозку" кошту віз для беларусаў да 60 еўра

© Sputnik / Алексей Витвицкий / Перайсці ў медыябанкСцягі з сімволікай Еўрасаюза
Сцягі з сімволікай Еўрасаюза - Sputnik Беларусь
Падпісацца на
НовостиTelegram
На пачатку лета гэтага года шэнгенскія візы для беларускіх грамадзян павінны патаннець да 35 еўра, але да ўступлення ў сілу візавага пагаднення з ЕС, на кароткі перыяд яны павінны падаражэць да 80 еўра.

МІНСК, 22 сту - Sputnik. Еўрапейскія ўлады атрымалі просьбу беларускага боку захаваць кошт віз да 60 еўра да таго моманту, пакуль не ўступіць у сілу візавае пагадненне, паведамілі напярэдадні ў эфіры тэлеканала АНТ.

Макей: ратыфікацыя падпісаных з ЕС пагадненняў пройдзе хутка - Sputnik Беларусь
Макей: ратыфікацыя падпісаных з ЕС пагадненняў пройдзе хутка

МЗС Беларусі ў снежні мінулага года прапанаваў Еўрасаюзу "замарозіць" кошт консульскага збору для падачы на шэнгенскую візу на ўзроўні 60 еўра да тых часоў, пакуль не ўступіць у сілу пагадненне аб спрашчэнні візавага рэжыму.

"Прадстаўнік Еўрапейскай службы знешніх дзеянняў, які прысутнічаў на паседжанні (Еўрапарламента - Sputnik), пацвердзіў, што гэтае пытанне абмяркоўваецца ў структурах Еўрапейскай камісіі. Менавіта з пазіцыі, як, нягледзячы на юрыдычныя складанасці, яго вырашыць", - распавялі ў тэлеэфіры.

У еўрапейскіх структурах пацвердзілі, што будуць рабіць усё магчымае, каб задаволіць просьбу Мінска, але толькі ў рамках існуючага заканадаўства.
Праблема ў тэрмінах

Пагадненне аб рэадмісіі і спрашчэнні візавага рэжыму паміж Беларуссю і ЕС было падпісана 8 студзеня. Рэспубліку на ўрачыстай цырымоніі прадстаўляў кіраўнік МЗС Беларусі Уладзімір Макей, ЕС - намеснік прэм'ер-міністра Харватыі Давор Бажыновіч і еўракамісар па ўнутраных справах Ілва Джоханасон.

Пасля ўступлення ў сілу гэтых дакументаў візавы збор для беларусаў паменшыцца да 35 еўра. Аднак з 2 лютага набудзе моц Візавы кодэкс ЕС, згодна з якім кошт "шэнгена" вырасце да 80 еўра.

Раней паведамлялася, што палата прадстаўнікоў плануе ратыфікаваць пагадненне з ЕС аб спрашчэнні візавага рэжыму на вясновай сесіі, адпаведна, дакумент можа пачаць дзейнічаць толькі толькі з 1 чэрвеня бягучага года.

Стужка навiн
0