МІНСК, 24 сту - Sputnik. Кіраўнік МЗС Беларусі Уладзімір Макей з'ехаў адпачываць у адзін з айчынных санаторыяў, сваімі ўражаннямі ад адпачынку ён падзяліўся ў сацсетках.
"З'явілася магчымасць з'ехаць на тыдзень у адпачынак. У адзін з санаторыяў у Беларусі", - напісаў Макей пад фота ў сваім instagram-акаўнце.
Паводле яго слоў, ва ўстанове шмат працэдур і смачна кормяць, а яшчэ "персанал вышкалены і ўсё цікае, як гадзінічкі". Ён адзначыў, што госці прыязджаюць у санаторый з больш чым пяці дзясяткаў розных краін ( "нават з Чукоткі"), нават у такі непапулярны і "непагодны" час.
"Галоўнае - людзі, якія сюды прыязджаюць, і іх меркаванне. А меркаванне пра Беларусь - адназначнае. І ў першую чаргу ад расіян, захапляліся коштамі ў санаторыі, якасцю нашых прадуктаў, стаўленнем людзей", - падзяліўся Уладзімір Макей.
Ён таксама распавёў, што падчас адпачынку быў вымушаны асвоіць калектыўную гульню "на роздум, інтуіцыю", падчас якой за адным сталом некалькі вечароў запар сядзелі людзі з мноства розных краін.
"Падчас дыскусій на палітычныя тэмы, якія не адносіліся да гульні, (а яны, паверце, былі гарачымі і нават з навешваннем ярлыкоў) у канчатковым выніку ўсё прыходзілі да ўзаемнага разумення. Яшчэ раз пераканаўся, што Беларусь - гэта краіна, дзе заўсёды рады бачыць усіх , дзе ўсе адчуваюць сябе як дома і дзе нават канфліктуючыя бакі становяцца сябрамі! " - рэзюмаваў кіраўнік МЗС Беларусі.
