МІНСК, 27 сту - Sputnik. Штармпапярэджанне абвешчана ў Беларусі на 27 студзеня з-за галалёдзіцы, адпаведная інфармацыя размешчана на сайце рэспубліканскага гідраметцэнтра.
"Увага! 27 студзеня (у панядзелак) на асобных участках дарог рэспублікі чакаецца галалёдзіца", - сказана ў паведамленні, у сувязі з непагаддзю сіноптыкі абвясцілі ў рэспубліцы жоўты ўзровень небяспекі.
Па дадзеных спецыялістаў, у Беларусі захоўваецца цёплае надвор'е з тэмпературным фонам у асноўным на 4-6°С вышэй за кліматычную норму, напярэдадні ў сталіцы і іншых гарадах нават былі пабіты тэмпературныя рэкорды (месцамі - 30-гадовай даўніны).
На мінулым тыдні ў розных раёнах краіны узмацняўся вецер, яго парывы дасягалі 15-21 метра ў секунду. Паводле апошніх звестак, у цэнтральных і ўсходніх раёнах рэспублікі месцамі назіраецца снежнае покрыва вышынёй за два сантыметры.
Па прагнозах Белгідраметцэнтра, 27 студзеня працягнецца паступленне няўстойлівай паветранай масы на тэрыторыю нашай краіны. Месцамі па рэспубліцы пройдуць кароткачасовыя ападкі ў выглядзе дажджу і мокрага снегу. У асобных раёнах чакаюцца слабыя туман і галалёд. Уначы будзе -2 ... + 3°С, а ўдзень пацяплее максімум да 0 ... + 5°С.
