МІНСК, 27 сту - Sputnik. Генеральны дырэктар дзяржкарпарацыі "Раскосмас" Дзмітрый Рагозін вылучыў тры прыярытэтныя кірункі, якія ў бліжэйшай перспектыве будуць разам развіваць Беларусь і "Раскосмас".
Першы - гэта актыўнае ўцягванне Нацыянальнай акадэміі навук Беларусі ў даследаванні на Міжнароднай касмічнай станцыі. Другі напрамак - гэта выбар базавых касмічных платформаў для апаратаў дыстанцыйнага зандзіравання зямлі. "Раскосмас" зацікаўлены ў тым, каб не рабіць кожны апарат асобна як унікальны, а нарэшце намацаць магчымасць із серыйнай вытворчасці. І ў гэтым плане оптыка-механічныя даследаванні, якія вядуцца ў Мінску, могуць стаць асновай для карыснай нагрузкі такога роду серыйных апаратаў, якія будуць рабіць прадпрыемства "Раскосмаса" сумесна з "Пеленгам", - заявіў Рагозін у інтэрв'ю тэлеканалу "Беларусь 1".
Паводле яго слоў, такія прадпрыемствы, як "Інтэграл", могуць знайсці сваё месца ў палітыцы імпартазамяшчэння, якую "Раскосмас" вядзе ў цяперашні час у частцы мікраэлектронікі.
"Гэта тры самыя відавочныя напрамкі, па якіх мы наросцім супрацоўніцтва ў бліжэйшы час", - падкрэсліў Рагозін.
Таксама кіраўнік "Раскосмаса" адзначыў, што беларускі навуковы патэнцыял паспяхова працуе на развіццё касмічнай галіны.
"Я з вялікай павагай стаўлюся да таго, што зроблена ў Беларусі за апошнія гады. На самай справе, у рэспублікі няма магутных крыніц самафінансавання, як скажам, каласальныя карысныя выкапні. Але тут відаць ашчадлівае стаўленне да ўсяго, уменне жыць сціпла, але глыбока па сутнасці развіваць сваю ўласную навуку. У Беларусі захоўваецца галоўны капітал - чалавечы. У краіне вельмі шмат рукастых, разумных, інтэлектуальна развітых людзей, якія дакладна ўпішуцца ў нашу агульную працу і мы былі б рады гэтай сумеснай працы", - сказаў Рагозін.
