МІНСК, 30 сту - Sputnik. Раптоўная праверка боегатоўнасці пачалася ў беларускім войску, паведамілі ў прэс-службе Міністэрства абароны рэспублікі.
"Трыццатага студзеня па распараджэнні міністра абароны пад кіраўніцтвам начальніка генеральнага штаба - першага намесніка міністра абароны пачата комплексная праверка баявой гатоўнасці ўзброеных сіл", - гаворыцца ў паведамленні.
Галоўнай мэтай праверкі з'яўляецца вызначэнне здольнасці органаў ваеннага кіравання, камандзіраў кіраваць падначаленымі воінскімі часцямі і падраздзяленнямі, а для воінскіх частак і падраздзяленняў Узброеных сіл - гатоўнасці выконваць задачы па прызначэнні ва ўмовах абстаноўкі, якая хутка змяняецца.
Дзеянні войскаў пройдуць на палігонах і асобных участках мясцовасці. З улікам спецыфікі задач, войскі будуць дзейнічаць у розных умовах: пераадольваць водныя перашкоды, адпрацоўваць вучэбна-баявыя задачы днём і ноччу як у лясных масівах, так і ў населеных пунктах.
"Пільная ўвага будзе нададзена стану тэхнікі і ўзбраення, а таксама працы сістэм забеспячэння", - удакладнілі ў ведамстве.
Вынікі праверкі затым будуць прааналізаваны і выкарыстаны ў далейшай падрыхтоўцы ВС.
