МІНСК, 30 сту - Sputnik. Больш за дзесяць скульптур з бронзы аўтарства Сальвадора Далі былі выкрадзеныя ў ноч на чацвер з галерэі, размешчанай у цэнтры Стакгольма, паведаміла выданне Dagens Nyheter.
Інцыдэнт адбыўся ў галерэі Couleur. Па словах яе ўладальніка, невядомыя прабраліся ў будынак, дзе праходзіла выстава іспанскага мастака Сальвадора Далі, і выкралі 10 або 12 яго работ. Скульптуры ацэньваюцца ў 200-500 тысяч крон, або 20-50 тысяч еўра.
"Агульны кошт выкрадзенага складае парадку 3-4 мільёнаў крон (прыкладна 300-400 тысяч еўра)", - распавёў уладальнік галерэі Педэр Энстрэм.
Прапажу выявілі каля чатырох гадзін раніцы. Супрацоўнікі паліцыі пачалі расследаванне.
Сальвадор Далі - адзін з найбольш вядомых і папулярных мастакоў, графікаў і скульптараў ў свеце. Тварыў у жанры сюррэалізму.
Чытайце таксама:
- Фотафакт: скульптуру слана Сальвадора Далі ўсталявалі ў цэнтры Мінска
