Румас: гандлёвы абарот з Літвой набліжаецца да 1,5 млрд долараў

© Sputnik / Виктор ТолочкоПрэм'ер-міністр Беларусі Сяргей Румас
Прэм'ер-міністр Беларусі Сяргей Румас - Sputnik Беларусь
Беларускія грузы забяспечваюць 30% загрузкі літоўскага марскога порта ў Клайпедзе на працягу апошніх пяці гадоў.

МІНСК, 4 лют - Sputnik. Гандлёва-эканамічнае супрацоўніцтва Беларусі і Літвы дынамічна развіваецца, сказаў прэм'ер-міністр Беларусі Сяргей Румас на сустрэчы з кіраўніком МЗС Літвы Лінасам Лінкявічусам, перадае карэспандэнт Sputnik.

Лінас Лінкявічус і Уладзімір Макей на парозе будынка МЗС РБ - Sputnik Беларусь
Кіраўнікі МЗС Беларусі і Літвы сустрэліся ў Рымдзюнах

Сустрэча прайшла напярэдадні 6 лютага, калі спаўняецца 25 гадоў з дня падпісання дагавора аб дружбе і мяжы, што, як адзначыў Румас, з'яўляецца добрай нагодай, каб абмеркаваць дасягнутыя вынікі і задумацца над тым, што трэба змяніць.

Сяргей Румас адзначыў, што Беларусь і Літва з'яўляюцца суседзямі і блізкасць рынкаў дзвюх краін склалася гістарычна.

"Сёння гандлёва-эканамічнае супрацоўніцтва з Літвой развіваецца вельмі добра", - сказаў прэм'ер.

Пры гэтым ён дадаў, што ў нас ёсць "добрая статыстыка за 2019 год. Наш тавараабарот наблізіўся да 1,5 млрд долараў. На працягу апошніх пяці гадоў беларускія грузы забяспечваюць 30% загрузкі літоўскага порта ў Клайпедзе".

Беларускі прэм'ер упэўнены, што літоўскі бізнес добра сябе адчувае ў Беларусі, і ў якасці доказу сказаў, што ў нашай краіне працуюць 575 кампаній з літоўскім капіталам.

Пасля чаго дадаў, што добрым прыкладам з'яўляецца праца літоўскай кампаніі "ВМГ", якая рэалізуе ў Беларусі ўжо другі праект.

"Гэта будаўніцтва буйнога вертыкальна інтэграванага дрэваапрацоўчага комплексу ў Віцебску", - удакладніў Сяргей Румас.

Доктар эканамічных навук Мікалай Мяжэвіч - Sputnik Беларусь
Радыё
Эксперт: што важней для Літвы - пастаўкі нафты або канфлікт з-за БелАЭС

На яго думку, гэта з'яўляецца доказам таго, што літоўскі бізнес можа прыходзіць у Беларусь і паспяхова працаваць. Развіваць адносіны паміж краінамі трэба ў тым ліку "праз фарміраванне спрыяльнага палітычнага клімату".

"Гэтай мэты можа паслужыць і беларуска-літоўскі форум, які плануецца 14-15 мая бягучага года ў Клайпедзе", - паведаміў кіраўнік урада.

У завяршэнне Сяргей Румас прапанаваў аднавіць працу двухбаковай міжурадавай камісіі па развіцці гандлёвых адносін.

У сваю чаргу Лінас Лінкявічус адзначыў, што яму прыемна вярнуцца ў горад, дзе шмат гадоў таму яму давялося служыць.

"Надышоў час больш інтэнсіўных кантактаў і адносін. І, вядома, адкрытай размовы, паколькі, нягледзячы на ўсе станоўчыя прыклады ёсць і некаторыя рознагалоссі", - канстатаваў кіраўнік МЗС Літвы.

Пасля чаго дадаў, што "гэта не з'яўляецца прычынай не размаўляць. Мы як раз думаем, што павінны гэта рабіць".

Лінас Лінкявічус назваў плённымі перамовы са сваім беларускім калегам Уладзімірам Макеем учора ў Рымдзюнах.

Міністр запрасіў Сяргея Румаса наведаць беларускую гімназію ў Вільні і прыняць удзел у працы форуму ў Клайпедзе ў маі 2020 года.

Стужка навiн
0
Спачатку новыяСпачатку старыя
loader
У эфіры
Заголовок открываемого материала
Міжнародны
InternationalEnglishАнглійскіMundoEspañolІспанскі
Еўропа
DeutschlandDeutschНямецкіFranceFrançaisФранцузскіΕλλάδαΕλληνικάГрэчаскіItaliaItalianoІтальянскіČeská republikaČeštinaЧэшскіPolskaPolskiПольскіСрбиjаСрпскиСербскіLatvijaLatviešuЛатышскіLietuvaLietuviųЛітоўскіMoldovaMoldoveneascăМалдаўскіБеларусьБеларускiБеларускі
Закаўказзе
АҧсныАҧсышәалаАбхазскіԱրմենիաՀայերենАрмянскіAzərbaycanАzərbaycancaАзербайджанскіХуссар ИрыстонИронауАсецінскіსაქართველოქართულიГрузінскі
Бліжні Усход
Sputnik عربيArabicАрабскіTürkiyeTürkçeТурэцкіSputnik ایرانPersianФарсіSputnik افغانستانDariДары
Цэнтральная Азія
ҚазақстанҚазақ тіліКазахскіКыргызстанКыргызчаКіргізскіOʻzbekistonЎзбекчаУзбекскіТоҷикистонТоҷикӣТаджыкскі
Усходняя і Паўднёва-Усходняя Азія
Việt NamTiếng ViệtВ'етнамскі日本日本語Японскі俄罗斯卫星通讯社中文(简体)Кітайскі俄罗斯卫星通讯社中文(繁体)Кітайскі
Паўднёвая Амерыка
BrasilPortuguêsПартугальскі