МІНСК, 7 лют - Sputnik. Стандартныя падатковыя вылікі могуць быць павялічаны для сем'яў, якія выхоўваюць дзяцей, пра гэта гаварылася на пасяджэнні Нацыянальнага савета па працоўных і сацыяльных пытаннях, паведамляе Федэрацыя прафсаюзаў.
Падатковы вылік на дзіця да 18 гадоў складае 34 рублі, для адзінокіх бацькоў, бацькоў двух і больш дзяцей, дзяцей-інвалідаў ва ўзросце да 18 гадоў - 65 рублёў. Гэтая сума не абкладаецца падаходным падаткам.
За апошнія два гады ўлады двойчы разглядалі пытанне павышэння стандартнага падатковага выліку для сем'яў з дзецьмі, удакладніла намеснік міністра па падатках і зборах Эла Сяліцкая. Была прапанова нават павялічыць падатковы вылік да бюджэту пражытачнага мінімуму, але гэтая сума апынулася занадта вялікай.
"На падатковыя вылікі ў студзені мінулага года мелі права больш за 3 мільёны 600 тысяч чалавек. Калі памножыць гэтую лічбу на суму пражытачнага мінімуму, атрымаецца, што страта бюджэту складзе 1 мільярд 315 мільёны 200 тысяч рублёў, што ў 6 разоў больш, чым цяпер", - паведаміла Эла Сяліцкая.
Міністэрства па падатках і зборах мае намер прааналізаваць усе дзейсныя ў краіне падатковыя паслабленні, каб укараніць адрасную сацыяльную падтрымку.
