МІНСК, 10 лют - Sputnik. Расія не будзе супраць вяртання пасла ў Кіеў і ўкраінскага ў Маскву, заявіў кіраўнік МЗС РФ Сяргей Лаўроў.
"Украінскі бок адклікаў пасла, пагражаў разарваць дыпламатычныя адносіны. Цяпер, праўда, хтосьці там згадваў пра верагоднасць рашэння Зяленскага вярнуць паслоў. Мы будзем не супраць", - канстатаваў міністр у інтэрв'ю "Российской газете".
Паводле яго слоў, нягледзячы на сённяшнюю сытуацыю ў адносіны дзвюх краін, яны па-ранейшаму цесна звязаны "у эканоміцы, у сферы транспарту, у гуманітарных справах, у сямейных сувязях".
Сяргей Лаўроў таксама звярнуў увагу, што неабходна адмовіцца ад практыкі ўзвядзення непатрэбных бар'ераў у адносінах.
"Нехта з'ездзіў у Крым, і ўсё - чалавек выкрэслены са спісу тых, з кім украінцы могуць не тое што паціскаць рукі, а наогул нават сустракацца", - растлумачыў ён.
Пры гэтым кіраўнік МЗС РФ адзначыў, што ў ходзе дыялогу ўкраінскія партнёры імкнуцца прагматычна падыходзіць да праблем, якія існуюць і якія шкодзяць у тым ліку ўкраінцам і Украіне.
У завяршэнне Сяргей Лаўроў пацвердзіў зацікаўленасць расійскага боку ў кантактах з украінцамі.
