МІНСК, 11 лют - Sputnik. Беларусі ўдалося захаваць макраэканамічную збалансаванасць, нягледзячы на існуючыя знешнія выклікі, заявіў прэм'ер-міністр рэспублікі Сяргей Румас на пасяджэнні Савета Міністраў, прысвечаным падвядзенню вынікаў сацыяльна-эканамічнага развіцця.
"Нягледзячы на выклікі на знешнім контуры, захавана макраэканамічная збалансаванасць", - падкрэсліў Румас.
Ён нагадаў, па выніках года інфляцыя склала 4,7%. Меркавалася, што у 2019 годзе гэты паказчык не перавысіць 5%. У 2018 годзе, нагадаем, інфляцыя склала 5,6%.
У мінулым годзе Беларусь па-ранейшаму больш імпартавала, чым пастаўляла на экспарт. У выніку скончыла год з адмоўным сальда ў 240 мільёнаў долараў. Пры гэтым Беларусь спраўна плаціла па знешніх даўгах, а золатавалютныя рэзервы выйшлі на рэкордны ўзровень у 9,4 мільярда долараў.
Чысты прыбытак у арганізацыях краіны за 2019 год вырасла амаль на 85%, а колькасць стратных арганізацый знізілася, распавёў Румас.
Важныя задачы выкананы
Гаворачы аб выніках 2019 года, кіраўнік урада адзначыў, што ў мінулым годзе ўдалося вырашыць шэраг важных задач, у тым ліку забяспечыць рост заробкаў.
Разам з тым запланаваны эканамічны рост не быў дасягнуты: ВУП па выніках года склаўся на ўзроўні 101,2% пры прагнозе 104%.
Па словах Румаса, найбольшы ўнёсак у развіццё эканомікі зрабілі сельская і лясная гаспадарка, будаўніцтва і гандаль.
Практычна ўсе рэгіёны выканалі пастаўленыя задачы па аб'ёмах будаўніцтва жылля. Выключэнне склаў Мінск. Тут заданне па ўводу ў эксплуатацыю жылля, як у цэлым, так і з дзяржпадтрымкай было выканана толькі на 76% і 49% адпаведна.
"У Мінску назіраецца самая вострая сітуацыя з забеспячэннем жыллём шматдзетных сем'яў, а горад зразумелых і прапрацаваных рашэнняў не прапануе", - заўважыў кіраўнік урада.
У гэтай сувязі Румас папрасіў адказных чыноўнікаў далажыць, як яны плануюць вырашаць праблему забеспячэння жыллём шматдзетных.
